ස්කොට්ලන්තයේ කාර්යබහුලම දුම්රිය ස්ථානය වන ග්ලාස්ගෝ මධ්යම (Glasgow Central) දුම්රිය ස්ථානය අසල පිහිටි ගොඩනැගිල්ලක හටගත් මහා ගින්නක් හේතුවෙන් එම ප්රදේශයේ දැඩි නොසන්සුන්කාරී තත්ත්වයක් හටගෙන තිබේ. ඉරිදා පස්වරුවේ යුනියන් වීදියේ පිහිටි විද්යුත් දුම්පාන උපකරණ අලෙවි කරන වෙළඳසැලකින් (Vape Shop) ආරම්භ වූ මෙම ගින්න, පසුව අවට පිහිටි වික්ටෝරියානු යුගයට අයත් පැරණි ගොඩනැගිල්ලක් වෙත පැතිර ගොස් ඇති අතර ගින්නෙහි ප්රබලත්වය නිසා එම ගොඩනැගිල්ලේ කොටසක් ද කඩා වැටී ඇත.
මෙම අනතුර හේතුවෙන් ග්ලාස්ගෝ මධ්යම දුම්රිය ස්ථානය හරහා සිදුවන සියලුම දුම්රිය ගමන් වාර තාවකාලිකව අවලංගු කර ඇති අතර, නැවත දැනුම් දෙන තුරු දුම්රිය ස්ථානය වසා තැබීමට බලධාරීන් පියවර ගෙන තිබේ. ගින්න නිවීමට ගිනි නිවන භටයන් දැඩි උත්සාහයක නිරත වූ අතර ප්රදේශයේ ජනතාව ඉවත් කිරීමට ද කටයුතු කෙරිණි. වාසනාවකට මෙන් මෙම සිදුවීමෙන් කිසිදු පුද්ගල මරණයක් හෝ තුවාල ලැබීමක් මෙතෙක් වාර්තා වී නොමැත. මධ්යම රාත්රියේ පැවැති විශේෂ සාකච්ඡාවකින් පසු දුම්රිය බලධාරීන් ප්රකාශ කළේ ආරක්ෂිත හේතූන් මත පරීක්ෂණ කටයුතු අවසන් වන තුරු දුම්රිය මෙහෙයුම් අත්හිටුවා ඇති බවයි.
