ශ්රී ලන්කන් ගුවන් සේවයට අයත් UL 1213 දරන ගුවන් යානය අද (09) කටුනායක බණ්ඩාරනායක ජාත්යන්තර ගුවන් තොටුපළෙන් ඉතාලියේ රෝම නගරය බලා පිටත්ව ගොස් තිබේ. මෙය වසර ගණනාවකට පසුව ශ්රී ලංකාව සහ රෝමය අතර සෘජු ගුවන් ගමනක් ක්රියාත්මක වූ පළමු අවස්ථාව ලෙස වාර්තා වේ.
මීට වසර කිහිපයකට පෙර රෝමය වෙත පැවැති සෘජු ගුවන් ගමන් වාර විවිධ හේතූන් මත අත්හිටුවා තිබූ අතර, අද දින සිදුකළ මෙම ගුවන් ගමන ස්ථිර ගමනාන්තයක් ලෙස යළි ආරම්භ කළ එකක් ද නැතහොත් එක් දිනකට පමණක් සීමා වූ විශේෂ ගමනක් ද යන්න පිළිබඳව ගුවන් සේවා බලධාරීන් මෙතෙක් නිල ප්රකාශයක් සිදු කර නැත. කෙසේ වෙතත්, අදාළ යානය යළි මෙරට බලා පැමිණීමට නියමිතව ඇති බව වාර්තා වේ.
පවතින ගෝලීය ගුවන් ගමන් අවහිරතා හේතුවෙන් විවිධ ප්රදේශවල අතරමං වූ මගීන් පිරිසක් ඉලක්ක කරගනිමින් මෙම විශේෂ මෙහෙයුම ක්රියාත්මක කර ඇති බවට තහවුරු නොකළ ආරංචි මාර්ග පවසයි. විශේෂයෙන් මැදපෙරදිග පවතින යුදමය වාතාවරණය හමුවේ ගුවන් ගමන් මාර්ග වෙනස් වීම සහ අවහිර වීම මෙම “අමුතු ගමනට” හේතු වන්නට ඇතැයි විශ්වාස කෙරේ.
