ශ්රී ලංකා ජාතික අපනයනකරුවන්ගේ මණ්ඩලය (NCE) විසින් සංවිධානය කරන ලද 2025 ජාතික අපනයන සම්මාන උළෙලේදී (National Export Awards 2025), පැණිරස ආහාර නිෂ්පාදන – මහා පරිමාණ අංශය (Confectionery Products – Large Sector) යටතේ ලෝකඩ සම්මානය දිනා ගැනීමට ප්රීමා සමූහයට (Prima Group Sri Lanka) අයත් සිලෝන් ඇග්රෝ ඉන්ඩස්ට්රීස් (Ceylon Agro Industries) සමාගම සමත්ව තිබේ. ප්රීමා පාරිභෝගික සන්නාම එකතුවෙහි ප්රමුඛතම සන්නාමය වන ප්රීමා කොත්තුමී (Prima KottuMee) ජාත්යන්තර වෙළඳපොළ තුළ ලබා ඇති සාර්ථකත්වය සහ මෙරට අපනයන ක්ෂේත්රයට දක්වන දායකත්වය මෙම සම්මානය හරහා ඇගයීමට ලක්ව ඇත.
ශ්රී ලංකාවේ ආර්ථික වර්ධනයට සහ ජාත්යන්තර වෙළඳාමට සුවිශේෂී මෙහෙවරක් ඉටුකරන අපනයනකරුවන් ඇගයීම සඳහා පවත්වන වඩාත් ගෞරවනීය වේදිකාවක් ලෙස NCE අපනයන සම්මාන උළෙල සැලකේ. සිලෝන් ඇග්රෝ ඉන්ඩස්ට්රීස් සමාගම පළමු වරට මෙම සම්මාන උළෙල සඳහා ඉදිරිපත් වී මෙවැනි ජයග්රහණයක් අත්කර ගැනීම සුවිශේෂී සන්ධිස්ථානයක් බව එම සමාගමේ සාමාන්යාධිකාරී සජිත් ගුණරත්න මහතා ප්රකාශ කළේය. මෙම ජයග්රහණය පිටුපස සිටින සියලුම දේශීය හා විදේශීය බෙදාහරින්නන්ගේ කැපවීම ඔහු මෙහිදී කෘතඥපූර්වකව සිහිපත් කළේය.
දැනට ඕස්ට්රේලියාව, ඉතාලිය, මාලදිවයින, එක්සත් අරාබි එමීර් රාජ්යය සහ එක්සත් රාජධානිය ඇතුළු රටවල් 25කට අධික සංඛ්යාවකට සිය නිෂ්පාදන අපනයනය කරන ප්රීමා කොත්තුමී, ශ්රී ලංකාවේ අනන්යතාවය ලොවට ගෙනයන සන්නාම තානාපතිවරයෙකු ලෙස තවදුරටත් සිය ස්ථානය තහවුරු කර ගැනීමට අපේක්ෂා කරයි. විශ්වාසදායක ගුණාත්මකභාවය සහ නවෝත්පාදනයන් සමඟින් ජාත්යන්තර වෙළඳපොළ තුළ ස්ථාවරව සිටින ප්රීමා කොත්තුමී, ඉදිරියේදී සිය අපනයන ජාලය තවදුරටත් පුළුල් කිරීමට සැළසුම් කර ඇත.
