ශ්රී ලංකාවට දකුණු දෙසින් වූ ගැඹුරු මුහුදේ ක්රියාත්මක කළ විශේෂ නාවික හමුදා මෙහෙයුමකදී මත්ද්රව්ය සහ අවි ආයුධ තොගයක් ප්රවාහනය කරමින් තිබූ බහුදින ධීවර යාත්රාවක් අත්අඩංගුවට ගැනීමට සමත්ව තිබේ. ජාතික ආරක්ෂාව තහවුරු කිරීමේ අරමුණින් නාවික හමුදාව දිවයින වටා සිදුකරන නිරන්තර මෙහෙයුම්වල ප්රතිඵලයක් ලෙස මෙම වැටලීම සිදුකර ඇත.
අත්අඩංගුවට ගත් යාත්රාව තුළ මත්ද්රව්ය බවට සැකකෙරෙන උර කිහිපයක් සහ නීති විරෝධී අවි ආයුධ තොගයක් තිබී ඇති අතර, වැඩිදුර විමර්ශන සහ නීතිමය කටයුතු සඳහා එම යාත්රාව මේ වන විට ගොඩබිමට රැගෙන එමින් පවතින බව නාවික හමුදාව සඳහන් කරයි. කලාපීය මත්ද්රව්ය ජාවාරම් සහ අවි ජාවාරම් මර්දනය කිරීම සඳහා ශ්රී ලංකා නාවික හමුදාව ජාත්යන්තර බුද්ධි තොරතුරු ද සහය කරගනිමින් මෙවැනි විශේෂ මෙහෙයුම් අඛණ්ඩව දියත් කරනු ලබයි.
