හිටපු ශ්රී ලංකා සුපිරි වේග පන්දු යවන ක්රීඩක ලසිත් මාලිංග විසින් ආරම්භ කරන ලද වේග පන්දු යවන්නන් සෙවීමේ වැඩසටහන සඳහා මේ වන විට 3,500කට අධික පිරිසක් ලියාපදිංචි වී ඇති අතර අධික ඉල්ලුම හේතුවෙන් ලියාපදිංචි වීමේ සබැඳිය දැනට තාවකාලිකව වසා දමා තිබේ. කෙසේ වෙතත් නව අයදුම්කරුවන් සඳහා ලියාපදිංචි වීමේ අවස්ථාව 2026 අප්රේල් 14 වැනිදා සිට නැවත විවෘත කරන බව මාලිංග ප්රකාශ කර ඇත. අදියර 10කින් සමන්විත මෙම දක්ෂතා සෙවීමේ වැඩසටහනේදී එක් අදියරකදී පන්දු යවන්නන් 350 බැගින් තෝරා ගැනීමට සැලසුම් කර ඇති අතර පළාත් සහ දිස්ත්රික් මට්ටමින් තෝරා ගන්නා ලද පළමු ක්රීඩකයන් 350 දෙනාගේ නාම ලේඛනය හෙට (මාර්තු 11) ප්රකාශයට පත් කිරීමට නියමිතය. “ඔබ නැවතුණත් මම නවතින්නේ නැහැ” යනුවෙන් පවසමින් මාලිංග තරුණ ක්රීඩකයන් දිරිගන්වනසුලු පණිවුඩයක් ද මෙහිදී එක් කර තිබේ.
