කොළඹ කොටස් වෙළඳපොළ (CSE) අද (10) ඉතා ප්රබල ප්රකෘතිමත් වීමක් පෙන්නුම් කළ අතර, ගෝලීය තෙල් සැපයුම පිළිබඳ සුබදායී පුවත් සහ මැදපෙරදිග නොසන්සුන්තාවයන් යම් තාක් දුරට සමනය වීම ආයෝජක විශ්වාසය නැවත ගොඩනැගීමට ප්රධාන හේතුව විය. පසුගිය දිනවල පැවැති දැඩි පසුබෑමෙන් පසු, අද දින ගනුදෙනු අවසානයේ දර්ශක දෙකම සැලකිය යුතු ඉහළ යාමක් වාර්තා කළේය.
සමස්ත මිල දර්ශකය (ASPI) ඒකක 474.38කින් ඉහළ ගිය අතර, S&P SL20 දර්ශකය ඒකක 151.56කින් ඉහළ ගියේය. අද දින වෙළඳපොළ පිරිවැටුම රුපියල් බිලියන 4.47ක් ලෙස සටහන් වූ අතර, ප්රධාන වශයෙන් ප්රාග්ධන භාණ්ඩ (Capital Goods) අංශයේ වැඩිම ගනුදෙනු ප්රමාණයක් සිදුවිය. විශේෂයෙන්ම සොෆ්ට්ලොජික් හෝල්ඩිංග්ස් (SHL.N) සමාගම රුපියල් මිලියන 140ක පිරිවැටුමක් සමඟින් 50%ක සුවිශේෂී මිල ඉහළ යාමක් පෙන්නුම් කිරීම කැපී පෙනුණි.
