මැදපෙරදිග කලාපය පුරා ව්යාප්ත වෙමින් පවතින දරුණු සතුරුකම් වහාම නතර කර, ඉරානය සහ එක්සත් ජනපදය සාකච්ඡා මාර්ගයෙන් විසඳුමකට එළඹිය යුතු බව කටාර් රාජ්යය අවධාරණය කරයි. කටාර් විදේශ කටයුතු පිළිබඳ රාජ්ය අමාත්ය මොහොමඩ් බින් අබ්දුල්අසීස් අල්-කුලයිෆි මහතා ප්රකාශ කර ඇත්තේ, මෙම ගැටුම් හේතුවෙන් කලාපීය ස්ථාවරත්වයට මෙන්ම බලශක්ති මත පදනම් වූ ආර්ථිකයට දැඩි හානි සිදුව ඇති බවයි.
විශේෂයෙන්ම හෝර්මුස් සමුද්ර සන්ධිය ආශ්රිතව සිදුවන නාවික ගමනාගමනයට එල්ල වී ඇති බාධා හමුවේ ගෝලීය බලශක්ති සැපයුම් දාමය දැඩි තර්ජනයකට ලක්ව තිබේ. එක්සත් ජනපදය සහ ඊශ්රායලය එල්ල කළ බෝම්බ ප්රහාරවලට ප්රතිචාර වශයෙන් ඉරානය දියත් කළ මිසයිල සහ ඩ්රෝන ප්රහාර හේතුවෙන් සිවිල් යටිතල පහසුකම් විනාශ වී ඇති අතර, කටාර් රාජ්යය ද මෙම ප්රහාර හමුවේ සිය ස්වෛරීභාවය ආරක්ෂා කර ගැනීමට අවශ්ය සෑම නීත්යානුකූල පියවරක්ම ගන්නා බව අමාත්යවරයා වැඩිදුරටත් කියා සිටියේය.
