මැදපෙරදිග කලාපයේ පවතින අස්ථාවර දේශපාලනික තත්ත්වය හමුවේ බටහිර රටවල් බලා පියාසර කරන ජාත්යන්තර ගුවන් ගමන් ප්රමාද වීමට හෝ කාලසටහන් වෙනස් වීමට ඉඩ ඇති බැවින් ගුවන් තොටුපළට පැමිණීමට පෙර අදාළ ගුවන් සමාගම් හරහා තොරතුරු තහවුරු කරගන්නා ලෙස දිල්ලි ජාත්යන්තර ගුවන් තොටුපළ සමාගම (DIAL) අද (මාර්තු 11) මගීන්ට දැනුම් දුන්නේය. මෙම නිවේදනයේ ඇතුළත් වැදගත් තොරතුරු මෙසේය.
කාලසටහන් වෙනස් වීම: වර්තමාන භූ-දේශපාලනික තත්ත්වය නිසා බටහිර බලා යන (Westbound) ඇතැම් ගුවන් ගමන් සඳහා මෙය බලපානු ඇත. එහෙත් සෙසු සියලුම ගුවන් ගමන් නියමිත පරිදි ක්රියාත්මක වේ.
ගුවන් ගාස්තු ඉහළ යාම: පවතින යුදමය වාතාවරණය නිසා ගුවන් යානා ඉන්ධන (ATF) මිල සීඝ්රයෙන් ඉහළ ගොස් තිබේ. මේ හේතුවෙන් එයාර් ඉන්ඩියා (Air India) සමාගම ඇතුළු ගුවන් සමාගම් කිහිපයක් සිය දේශීය සහ ජාත්යන්තර ගුවන් ගමන් සඳහා ‘ඉන්ධන අතිරේක ගාස්තුවක්’ (Fuel Surcharges) අදියර කිහිපයකින් පැනවීමට පියවර ගෙන ඇත.
සජීවී තොරතුරු: මගීන්ට www.newdelhiairport.in වෙබ් අඩවිය හරහා සජීවී ගුවන් ගමන් තොරතුරු ලබාගත හැකි අතර ආගමන විගමන ගැටලු සඳහා [email protected] විද්යුත් ලිපිනය හරහා සහාය ලබාගත හැකිය.
ගල්ෆ් කලාපයේ පවතින යුදමය තත්ත්වය නිසා ඉන්ධන සැපයුම් ජාලයට බාධා එල්ල වීමත් සමඟ මාර්තු මස මුල සිට ගුවන් යානා ඉන්ධන මිල ඉහළ ගොස් ඇති අතර එය ගුවන් ක්ෂේත්රයේ මෙහෙයුම් පිරිවැය කෙරෙහි දැඩි ලෙස බලපා තිබේ.
