මැදපෙරදිග කලාපයේ හටගෙන ඇති උණුසුම් යුදමය වාතාවරණය හේතුවෙන් එහි රැඳී සිටි ඉන්දියානු ජාතිකයින් දහසකට ආසන්න පිරිසක් යළි සිය රට බලා පැමිණ ඇති බව වාර්තා වේ. ඉන්දීය මාධ්ය සඳහන් කරන්නේ කටාර් රාජ්යයේ සල්වා දේශසීමාව හරහා සෞදි අරාබියට ඇතුළු වීම සඳහා ඉන්දියානුවන්ට පැය 96ක වලංගු කාලයකින් යුත් තාවකාලික සංක්රමණ වීසා නිකුත් කර ඇති බවයි.
මෙම විශේෂ පහසුකම භාවිතා කරමින් ඔවුන් ගුවන් මගින් ඉන්දියාව වෙත පැමිණ තිබේ. මීට අමතරව පවතින අනාරක්ෂිත තත්ත්වය සැලකිල්ලට ගනිමින් අමෙරිකානු සහ චීන ජාතිකයින් ද සිය මව් රටවල් බලා යාමට කටයුතු කරමින් සිටින බව විදෙස් මාධ්ය වැඩිදුරටත් වාර්තා කරයි. කලාපීය අර්බුදය හමුවේ විදෙස් වැසියන් ඉවත් කර ගැනීමේ ක්රියාවලිය මේ වන විට වේගවත් වී ඇත.
