මියගිය ඉරාන නාවිකයන්ගේ දේහයන් සම්බන්ධයෙන් රජය දරන වියදම් පිළිබඳව විපක්ෂය එල්ල කරන චෝදනාවලට ප්රතිචාර දක්වමින් අමාත්ය නලින්ද ජයතිස්ස මහතා ප්රකාශ කළේ එම සියලු වියදම් රජය විසින් දරනු ලබන්නේ ‘මානුෂීය පදනම’ මත බවයි.
සමගි ජන බලවේගයේ (SJB) පාර්ලිමේන්තු මන්ත්රී සුජීව සේනසිංහ මහතා මීට පෙර ප්රශ්න කර සිටියේ මළ සිරුරු තැන්පත් කර ඇති ශීතාගාර සඳහා රජය විශාල මුදලක් වැය කරන බවත්, මෙම අනවශ්ය ගැටලුවට රජය මැදිහත් වී ඇති බවත්ය. දේහයන් 80කට අධික ප්රමාණයක් පවතින බැවින් ඒ සඳහා යන පිරිවැය සහ මුදාගත් නාවිකයන් සම්බන්ධයෙන් ජාත්යන්තර මට්ටමින් පවතින නීතිමය ගැටලු පිළිබඳව ද ඔහු මෙහිදී අවධාරණය කළේය.
මෙම චෝදනාවලට පිළිතුරු දෙමින් අමාත්යවරයා සමාජ මාධ්ය සටහනක් තබමින් සඳහන් කර සිටියේ දේහයන් මෙරට පවතින තාක්කල් සහ තුවාල ලැබූ ඉරාන සෙබළුන් රෝහල්ගතව මෙරට රජයේ වගකීම යටතේ පසුවන තාක්කල් ඔවුන් වෙනුවෙන් වැය වන සියලුම මූල්ය ප්රතිපාදන රජය විසින් මානුෂීය පදනම මත ලබා දෙන බවයි.
