රටේ පවතින විදුලි අර්බුදය කෙතරම් දරුණු වී ඇත්ද යන්න පෙන්වා දෙමින් සමගි ජන බලවේගයේ පාර්ලිමේන්තු මන්ත්රී දයාසිරි ජයසේකර මහතා පවසන්නේ ඊයේ දිනයේදී ජනාධිපතිවරයාගේ නල්ලච්චිය නිවසට පවා විදුලිය නොතිබූ බවයි. ඒකාබද්ධ විපක්ෂය කොළඹදී පැවැත්වූ මාධ්ය හමුවක් අමතමින් මන්ත්රීවරයා මේ බව සඳහන් කළ අතර මේ වන විට රට පුරා විදුලි බිඳවැටීම් 12,000ක් පමණ වාර්තා වී ඇති බවද පෙන්වා දුන්නේය.
දැනට ක්රියාත්මක විදුලි වර්ජනය හමුවේ ජනතාව පීඩාවට පත්ව සිටියද පවතින ගැටලුවලට ස්ථාවර විසඳුමක් ලබා දීමට රජයට මෙතෙක් හැකියාවක් ලැබී නොමැති බව ඔහු චෝදනා කරයි. විදුලි වර්ජනය අඛණ්ඩව ඉදිරියට ගෙන යන බවට වෘත්තීය සමිති ප්රකාශ කර ඇති පසුබිමක, රජය මේ පිළිබඳව වගකීම් සහගතව මැදිහත් විය යුතු බවත්, මේවා නිසි කළමනාකරණයකින් විසඳිය හැකි ගැටලු බවත් මන්ත්රීවරයා වැඩිදුරටත් කියා සිටියේය.
