ලබන මාර්තු 15 වනදා පැවැත්වීමට නියමිත 98 වන ඔස්කාර් සම්මාන උළෙලේදී (Oscars 2026), Netflix හි අතිශය ජනප්රියත්වයට පත් ‘Kpop Demon Hunters’ සජීවිකරණ චිත්රපටයේ ‘Golden’ ගීතය ගායනා කිරීම සඳහා EJAE, Audrey Nuna සහ Rei Ami යන ශිල්පිනියන් තිදෙනා එක්වීමට නියමිතය. මෙම ගීතය මෙවර ඔස්කාර් සම්මාන උළෙලේ ‘හොඳම මුල් නිර්මාණ ගීතය’ (Best Original Song) සඳහා නිර්දේශ වී ඇති අතර, චිත්රපටය ‘හොඳම සජීවිකරණ චිත්රපටය’ සඳහා ද නිර්දේශ වී තිබේ.
චිත්රපටය තුළ එන HUNTR/X නැමැති කණ්ඩායම වෙනුවෙන් හඬ මුසු කළ මෙම තිදෙනා, පසුගිය වසරේ ජුනි මාසයේදී චිත්රපටය නිකුත් වූ දා සිට ගෝලීය වශයෙන් විශාල අවධානයක් දිනා ගැනීමට සමත් විය. ‘Golden’ ගීතය දැනටමත් ග්රැමී සම්මාන උළෙලේදී (68th Grammy Awards) ‘දෘශ්ය මාධ්යයක් සඳහා ලියැවුණු හොඳම ගීතය’ යන සම්මානය දිනාගෙන ඇති අතර, මෙය K-pop ශෛලියට සම්බන්ධ ගීතයක් ග්රැමී සම්මානයක් දිනාගත් පළමු අවස්ථාව ලෙස ඉතිහාසයට එක්විය.
ග්රැමී ජයග්රහණයට අමතරව, ‘Golden’ ගීතය මෙවර ගෝල්ඩන් ග්ලෝබ් (Golden Globe) සහ ක්රිටික්ස් චොයිස් (Critics’ Choice) සම්මාන උළෙලවලදී ද ‘හොඳම මුල් නිර්මාණ ගීතය’ ලෙස සම්මානයට පාත්ර විය. ලොව පුරා ළමුන් සහ තරුණයින් අතර අතිශය ජනප්රිය වූ මෙම ගීතය ඔස්කාර් වේදිකාවේදී සජීවීව ඉදිරිපත් කිරීම මෙවර උළෙලේ සුවිශේෂීම අවස්ථාවක් වනු ඇතැයි සංවිධායකයෝ අපේක්ෂා කරති.
