වසර දහයකට අධික කාලයක් සිහිසුන්ව (Vegetative state) සිටි තරුණයෙකුගේ ජීවධාරක පද්ධතිය (Life support) ඉවත් කිරීමට ඉන්දීය ශ්රේෂ්ඨාධිකරණය අද (මාර්තු 11) ඓතිහාසික අවසරයක් ලබා දී තිබේ. මෙය ඉන්දියාවේ අධිකරණයක් විසින් පුද්ගලයෙකු සඳහා ‘අක්රීය දයා මරණය’ (Passive euthanasia) අනුමත කළ පළමු අවස්ථාව ලෙස සැලකේ.
හරිෂ් රාණා නැමැති මෙම තරුණයා 2013 වසරේදී ගොඩනැගිල්ලකින් ඇද වැටී මොළයට සිදු වූ බරපතල තුවාල හේතුවෙන් එතැන් සිට ජීවත් වූයේ යන්ත්ර සූත්ර ආධාරයෙනි. ඔහුගේ දෙමාපියන් විසින් අධිකරණයෙන් ඉල්ලා සිටියේ තම පුතුට ස්වභාවිකව මියයාමට ඉඩ සලසමින් වෛද්ය ආධාර නතර කරන ලෙසයි. තරුණයාගේ තත්ත්වය යහපත් වීමට කිසිදු බලාපොරොත්තුවක් නොමැති බවත්, ඔහු වසර ගණනාවක් තිස්සේ කිසිදු ප්රතිචාරයක් නොදක්වන බවත් වෛද්යවරුන් විසින් තහවුරු කිරීමෙන් පසු අධිකරණය මෙම තීරණයට එළඹුණි.
ඉන්දියාව 2018 වසරේදී අක්රීය දයා මරණය නීතිගත කළද, මෙලෙස අධිකරණ නියෝගයක් මගින් එය ක්රියාත්මක කිරීමට අවසර දුන් පළමු අවස්ථාව මෙයයි. අදාළ තරුණයා විසින් මීට පෙර එවැනි මරණයක් සඳහා ලිඛිත කැමැත්තක් (Living will) ලබා දී නොතිබුණද, දෙමාපියන්ගේ ඉල්ලීම සහ වෛද්ය වාර්තා සලකා බැලූ අධිකරණය මෙම මානුෂීය තීන්දුව ප්රකාශයට පත් කළේය.
