බහුවිධ දූෂණ චෝදනාවක් සම්බන්ධයෙන් වරදකරුවන් වී සිරදඬුවම් නියම වී සිටින හිටපු අමාත්ය මහින්දානන්ද අලුත්ගමගේ සහ ලංකා සතොස හිටපු සභාපති නලින් ප්රනාන්දු යන මහත්වරුන් ඉදිරිපත් කළ අභියාචනා පෙත්සම් විභාගය ශ්රේෂ්ඨාධිකරණය අද (11) අවසන් කළේය. අගවිනිසුරු ප්රීති පද්මන් සූරසේන මහතා ප්රමුඛ පංච පුද්ගල විනිසුරු මඩුල්ලක් හමුවේ මෙම විභාගය දින තුනක් පුරා පැවැත්විණි.
අද දින සැසිය තුළදී අභියාචනා පාර්ශ්වයේ නීතිඥවරුන් සහ අල්ලස් කොමිසම නියෝජනය කළ නීතිඥවරුන් සියලු කරුණු ඉදිරිපත් කර අවසන් කළහ. දෙපාර්ශ්වයේම කරුණු සලකා බැලූ ශ්රේෂ්ඨාධිකරණය, මෙම අභියාචනා සම්බන්ධයෙන් වන සිය අවසන් තීන්දුව ලබාදීම වෙනත් දිනකට කල් තබන බව නිවේදනය කළේය.
