ශ්රී ලංකාවේ ජීවිත රක්ෂණ ක්ෂේත්රයේ ප්රමුඛයා වන සෙලින්කෝ ලයිෆ් (Ceylinco Life) සමාගම සිය 2024 වාර්ෂික වාර්තාව වෙනුවෙන් ප්රධාන සම්මාන ද්විත්වයකින් පිදුම් ලබා තිබේ. විනිවිදභාවය, වගකීම් සහගත බව සහ තිරසාර වාර්තාකරණය සම්බන්ධයෙන් සමාගම දක්වන සුවිශේෂී දක්ෂතාවය මෙලෙස ඇගයීමට ලක්ව ඇත.
මෙහිදී ACCA ශ්රී ලංකා තිරසාර වාර්තාකරණ සම්මාන උළෙලේදී (ACCA Sustainability Reporting Awards) ‘වෙනත් මූල්ය සේවා’ අංශයේ ජයග්රාහකයා ලෙස සෙලින්කෝ ලයිෆ් සමාගම දෙවන වරටත් තේරී පත් විය. ජාත්යන්තර ප්රමිතීන්ට අනුව සිදු කෙරෙන මෙම ඇගයීම හරහා සමාගමේ වාර්තාකරණයේ ගෝලීය විශ්වසනීයත්වය තහවුරු වේ. එමෙන්ම ශ්රී ලංකා වරලත් ගණකාධිකාරී ආයතනය (CA Sri Lanka) සංවිධානය කළ TAGS Awards 2025 හිදී, රුපියල් බිලියන 10කට වැඩි දළ වාරික ආදායමක් සහිත රක්ෂණ සමාගම් අංශයෙන් රිදී සම්මානය දිනා ගැනීමට ද එම සමාගම සමත් විය.
සෙලින්කෝ ලයිෆ් සමාගමේ 10 වන ඒකාබද්ධ වාර්ෂික වාර්තාව වන මෙය ‘Beyond Insurance – A Promise for Life’ යන තේමාව යටතේ නිකුත් කර ඇත. සමාගමේ ජ්යෙෂ්ඨ විධායක අධ්යක්ෂ සහ ප්රධාන මූල්ය නිලධාරී පාලිත ජයවර්ධන මහතා සඳහන් කළේ, මෙම සම්මාන හරහා සමාගම දිගුකාලීනව අගය නිර්මාණය කරන ආකාරය සහ පවත්වාගෙන යන යහපත් පාලන තන්ත්රය මනාව පිළිඹිබු වන බවයි. ලෝක මූල්ය (World Finance) සඟරාව මගින් අඛණ්ඩව 12 වන වරටත් ශ්රී ලංකාවේ හොඳම ජීවිත රක්ෂණ සමාගම ලෙස ද සෙලින්කෝ ලයිෆ් සමාගම ඇගයීමට ලක් කර තිබේ.
වසර 22ක් පුරා මෙරට ජීවිත රක්ෂණ ක්ෂේත්රයේ වෙළඳපොළ නායකයා ලෙස කටයුතු කරන සෙලින්කෝ ලයිෆ්, 2025 වසරේදී ශ්රී ලංකාවේ වටිනාම රක්ෂණ සන්නාමය ලෙස ද Brand Finance මගින් නම් කර ඇත. මිලියන සංඛ්යාත ජනතාවකගේ විශ්වාසය දිනාගත් මෙම සන්නාමය අඛණ්ඩව 19 වන වරටත් ‘වසරේ ජනප්රියම ජීවිත රක්ෂණ සේවා සැපයුම්කරු’ ලෙස ද ජනතා සම්මානයෙන් පිදුම් ලබා තිබීම විශේෂත්වයකි.
