ඊශ්රායලය සහ අමෙරිකාව එක්ව ටෙහෙරානය අවට පිහිටි තෙල් නිධි ඉලක්ක කර ගනිමින් පසුගිය සෙනසුරාදා එල්ල කළ ප්රහාර හේතුවෙන් ඉරාන අගනුවර දරුණු පාරිසරික අර්බුදයකට මුහුණ දී සිටින බව විදෙස් මාධ්ය වාර්තා කරයි. මෙම ප්රහාරවලින් පසු නගරය පුරා පැතිර යන ඝන කළු දුමාරය හේතුවෙන් මිලියන 14ක් පමණ වන ටෙහෙරාන් වැසියන්ට බරපතල සෞඛ්ය තර්ජනයක් මතුව ඇති බව අල්ජසීරා පුවත් සේවය සඳහන් කරයි.
වායු දූෂණයට අමතරව, පිපිරීම්වලින් පිටවන රසායනික ද්රව්ය හේතුවෙන් පස සහ ජලය දූෂණය වීම පිළිබඳව ද වාර්තා වෙමින් පවතී. ටෙහෙරානයට අමතරව ඉස්ෆහාන්, අහ්වාස් සහ සාකෙස් වැනි ප්රධාන නගර කිහිපයකින් ද පිපිරීම් වාර්තා වී ඇති අතර, ගැටුම් ආරම්භයේ සිට මේ දක්වා නගර 200කට අධික ප්රමාණයක් ප්රහාරවලට ලක්ව තිබේ. මේ වන විට පුද්ගල මරණ 1,300 ඉක්මවා ගොස් ඇති බවත් එම සංඛ්යාව තවදුරටත් ඉහළ යා හැකි බවත් විශ්වාස කෙරේ.
මේ අතර ඉරාන විප්ලවීය ආරක්ෂක බලකාය (IRGC) සිය 40 වන ප්රතිප්රහාර රැල්ල දියත් කිරීමට සූදානම් වීමත් සමඟ කලාපීය යුද්ධය තීරණාත්මක නව අදියරකට එළඹෙනු ඇති බවට ආරක්ෂක අංශ අනතුරු අඟවයි. විශේෂයෙන්ම උපායමාර්ගික වශයෙන් වැදගත් වන හොර්මුස් සමුද්ර සන්ධිය වැනි ප්රධාන මුහුදු මාර්ග සම්බන්ධයෙන් ද යම් බලපෑමක් එල්ල වීමේ හැකියාවක් පවතින බව ඉරාන ආරක්ෂක නිලධාරීන් ඉඟි කර තිබේ.
