බස්නාහිර සහ සබරගමුව පළාත්වලටත්, ගාල්ල සහ මාතර දිස්ත්රික්ක සඳහාත් ප්රබල අකුණු ඇති වීමේ අවදානමක් පවතින බව කාලගුණවිද්යා දෙපාර්තමේන්තුව විසින් අවවාදාත්මක නිවේදනයක් නිකුත් කරමින් දැනුම් දෙයි. අද (12) පස්වරු 2.00න් පසුව මෙම ප්රදේශවල බොහෝ ස්ථානවල ගිගුරුම් සහිත වැසි සමඟ ප්රබල අකුණු ඇති වීමේ වැඩි හැකියාවක් පවතින බව එම නිවේදනයේ සඳහන් වේ.
අකුණු අනතුරු මෙන්ම ගිගුරුම් සහිත වැසි සමඟ ඇති විය හැකි තාවකාලික තද සුළං තත්ත්වයන්ගෙන් ආරක්ෂා වීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි. විශේෂයෙන් විවෘත ස්ථානවල රැඳී සිටීමෙන් වැළකී සිටින ලෙසත්, විදුලි උපකරණ භාවිතයේදී වඩාත් සැලකිලිමත් වන ලෙසත් එම දෙපාර්තමේන්තුව වැඩිදුරටත් අවධාරණය කරයි.
