ඇමෙරිකානු කොන්සර්වේටිව් දේශපාලන විචාරිකාවක් වන කැන්ඩස් ඕවන්ස් (Candace Owens), ඉරානය සමඟ පවතින යුද්ධය මධ්යයේ ඊශ්රායලය විසින් “False Flag” හෙවත් ව්යාජ මෙහෙයුමක් දියත් කිරීමට ඉඩ ඇති බවට ප්රශ්න කරමින් සමාජ මාධ්ය හරහා දැඩි ආන්දෝලනයක් ඇති කර තිබේ. ට්රම්ප් පරිපාලනයේ ජ්යෙෂ්ඨ නිලධාරීන් කිහිප දෙනෙකු වොෂින්ටන් ඩී.සී. නගරය ආසන්නයේ පිහිටි ආරක්ෂිත හමුදා නිවාස (Fortified military housing) වෙත රහසිගතව පදිංචියට ගොස් ඇති බවට පළ වන වාර්තා සමඟ ඇය මෙම ප්රකාශය සිදු කර ඇත.
සිය ‘X’ ගිණුමේ සටහනක් තබමින් ඇය විමසා සිටියේ, ජ්යෙෂ්ඨ නිලධාරීන් මෙලෙස ආරක්ෂිත ස්ථාන කරා යොමු වීමෙන් ඊශ්රායලයේ සැලසුම් සහගත කුමන්ත්රණකාරී ප්රහාරයක් අපේක්ෂා කළ යුතු ද යන්නයි. ඇමෙරිකාව සහ ඉරානය අතර සති දෙකකට ආසන්න කාලයක් පවතින මෙම යුද්ධය තවදුරටත් ව්යාප්ත කිරීම සඳහා මෙවැනි උපක්රම භාවිත විය හැකි බවට ඇය සිය සැකය පළ කර තිබේ.
කෙසේ වෙතත්, ට්රම්ප් රජයේ නිලධාරීන් මෙලෙස පදිංචිය වෙනස් කිරීම සම්බන්ධයෙන් රජය නිල ප්රකාශයක් මෙතෙක් නිකුත් කර නොමැති අතර, මෙය පවතින ආරක්ෂක තර්ජන හමුවේ ගත් සාමාන්ය පූර්ව ආරක්ෂිත පියවරක් විය හැකි බව දේශපාලන විචාරකයෝ පවසති. කැන්ඩස් ඕවන්ස්ගේ මෙම ප්රකාශය සම්බන්ධයෙන් සමාජ මාධ්ය තුළ විවිධ මතවාද පළ වෙමින් පවතින අතර, යුද්ධය සම්බන්ධයෙන් පවතින කුමන්ත්රණකාරී මත පතුරුවන්නන් අතර මෙය දැඩි අවධානයට ලක්ව ඇත.
