ශ්රී ලංකාවේ සමස්ත ජනගහනයෙන් හතරෙන් එකක් තවමත් දිළිඳුභාවයෙන් පෙළෙන බවත්, ඉන් සියයට 80ක පමණ පිරිසක් ග්රාමීය ප්රදේශවල ජීවත් වන බවත් ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශය පවසයි. ග්රාමීය දිළිඳුකම තුරන් කිරීම රජයේ ප්රමුඛතම කාර්යය බව විෂය භාර අමාත්ය උපාලි පන්නිල මහතා අවධාරණය කළේය.
ඒ අනුව, එක් එක් ග්රාම සේවා වසම් මට්ටමින් දිළිඳුකමට බලපාන නිශ්චිත හේතු හඳුනාගෙන, ප්රජා සංවර්ධන සභා නියෝජිතයන්ගේ සහභාගීත්වයෙන් නව සංවර්ධන සැලසුම් සකස් කිරීමට පියවර ගන්නා බව අමාත්යවරයා පැවසීය. මැදපෙරදිග කලාපයේ උද්ගතව ඇති යුදමය තත්ත්වය හමුවේ ගෝලීය ආර්ථිකයට එල්ල වී ඇති බලපෑම පිළිබඳව ද මෙහිදී අදහස් දැක්විණි.
පසුගිය මාස 15ක කාලය තුළ මෙරට ආර්ථිකය ශක්තිමත් කිරීමට ගත් ක්රියාමාර්ග හේතුවෙන්, මෙම ජාත්යන්තර අර්බුදයේ බලපෑම අවම කර ගැනීමට ශ්රී ලංකාවට හැකි වී ඇති බව අමාත්යවරයා පෙන්වා දුන්නේය. එම ස්ථාවරත්වය නොතිබුණේ නම් මෙරට යළිත් පෝලිම් යුගයක් නිර්මාණය වීමේ අවදානමක් තිබූ බව ද අමාත්ය උපාලි පන්නිල මහතා වැඩිදුරටත් සඳහන් කළේය.
