රාජ්ය නැකැත් කමිටුවක් පත් කිරීමට රජය අපොහොසත් වීම හේතුවෙන් ඇති වූ අර්බුදකාරී වාතාවරණය හමුවේ, ‘සර්වජන බලය’ පක්ෂයේ මැදිහත්වීමෙන් මෙවර සිංහල හා දෙමළ අලුත් අවුරුදු නැකැත් සීට්ටුව සකස් කර ප්රකාශයට පත් කර තිබේ. 2024 වසරේදී රාජ්ය නැකැත් කමිටුව විසුරුවා හැරීමෙන් පසු රජය මෙතෙක් නව කමිටුවක් පත් නොකිරීම පිළිබඳව ජ්යෝතිර්වේදීන් සහ සමාජ ක්රියාකාරීන් සිය අප්රසාදය පළ කර තිබුණි. රජයට ලබා දුන් කාලය අවසන් බව පවසමින්, සර්වජන බලය පක්ෂය ජනතාව වෙනුවෙන් මෙම වගකීම භාර ගන්නා බව මීට පෙර ප්රකාශ කර තිබුණි.
ඒ අනුව, සර්වජන බලයේ නායක පාර්ලිමේන්තු මන්ත්රී දිලිත් ජයවීර මහතා ඇතුළු පිරිසක් අද (14) පෙරවරුවේ පැපිලියාන සුනේත්රා මහා දේවි පිරිවෙන් රාජමහා විහාරයට පැමිණ එහි පරිවේණාධිපති මහාචාර්ය පූජ්ය මැදගොඩ අභයතිස්ස හිමියන් හමුවී මේ පිළිබඳව සාකච්ඡා කළහ. අභයතිස්ස හිමියන්ගේ ආරාධනයෙන් දිවයිනේ ප්රමුඛ පෙළේ ජ්යෝතිර්වේදීන් 17 දෙනෙකුගෙන් සමන්විත කමිටුවක් මෙහිදී රැස් වූ අතර, ඔවුන් සියලු දෙනාගේ එකඟතාව මත විද්යාත්මක සහ ජ්යෝතිෂ සම්ප්රදායන්ට අනුකූලව නව නැකැත් සීට්ටුව සකස් කරන ලදී.
සංස්කෘතික දෙපාර්තමේන්තුව හෝ බුද්ධශාසන අමාත්යාංශය නිසි මැදිහත්වීමක් සිදු නොකිරීම නිසා මෙවර අවුරුදු නැකැත් පිළිබඳව ජනතාව තුළ ඇති වී තිබූ ව්යාකූලත්වය මින් මඟහැරෙනු ඇති බව සර්වජන බලය පක්ෂය අවධාරණය කරයි. ජාතික උත්සවයකදී රාජ්ය අනුග්රහය සහ පිළිගැනීම සහිතව නිසි වේලාවන් ලබා දීම රජයේ වගකීමක් වුවද, එය ඉටු නොකිරීම දැඩි විවේචනයට ලක් විය. මේ වන විට ප්රකාශයට පත් කර ඇති මෙම නව නැකැත් සීට්ටුව ඉදිරි දිනවලදී පොදු ජනතාව අතරට පත් කිරීමට නියමිතය.
