ඉරානය තුළ තවත් අවම වශයෙන් සති තුනක කාලයක් සිය හමුදා මෙහෙයුම් අඛණ්ඩව පවත්වාගෙන යාමට සැලසුම් කර ඇති බව ඊශ්රායල ආරක්ෂක අංශ (IDF) නිල වශයෙන් ප්රකාශ කර තිබේ. ඊශ්රායල හමුදා ප්රකාශක බ්රිගේඩියර් ජෙනරාල් එෆී ඩෙෆ්රින් (Effie Defrin) සඳහන් කළේ, ඉලක්ක දහස් ගණනක් විනාශ කිරීමේ අරමුණින් මෙම දීර්ඝකාලීන මෙහෙයුම් දියත් කරන බවයි.
CNN පුවත් සේවය සමඟ අදහස් දක්වමින් ඔහු වැඩිදුරටත් කියා සිටියේ, ඇමරිකානු මිත්ර පාර්ශවයන්ගේ ද සහය ඇතිව අවම වශයෙන් ඉදිරි යුදෙව් පාස්කු උත්සවය (Passover) දක්වා මෙම ප්රහාර සැලසුම් කර ඇති බවයි. ඊට අමතරව තවත් සති තුනක ගැඹුරු මෙහෙයුම් සඳහා ද ඊශ්රායල හමුදාව සූදානමින් සිටින බව හෙළි විය.
ටෙහෙරාන් අගනුවර සහ ඉරානයේ සෙසු ප්රදේශවල පවතින හමුදා මධ්යස්ථාන ඉලක්ක කර ගනිමින් මෙම ප්රහාර එල්ල කිරීමට නියමිතය. කාලසටහනකට වඩා තම අරමුණු ඉටු කර ගැනීම කෙරෙහි අවධානය යොමු කරන බව පවසන ඊශ්රායල හමුදාව, මේ වන විටත් ඉරානය තුළ සිය මෙහෙයුම් දැඩි කර තිබේ.
