සතුරු පාර්ශ්වයන් වෙත රටේ අභ්යන්තර තොරතුරු සහ රහස් ලබා දීමේ චෝදනාව මත ඉරානය තුළ පුද්ගලයන් 500කට අධික පිරිසක් අත්අඩංගුවට ගෙන තිබේ. ඉරාන පොලිස් ප්රධානී අහ්මද්ද්රෙසා රාධන් ප්රකාශ කර ඇත්තේ, ඊශ්රායලය සහ ඇමෙරිකාව විසින් ඉරානය තුළ මෑතකදී එල්ල කරන ලද ප්රහාර සඳහා අවශ්ය බුද්ධි තොරතුරු සැපයීම සම්බන්ධයෙන් මෙම පිරිසට චෝදනා එල්ල වී ඇති බවයි.
අත්අඩංගුවට ගත් පිරිස අතර ඉරානයේ ඉලක්කගත පුද්ගලයන් සහ සංවේදී ස්ථාන පිළිබඳව සෘජු තොරතුරු ලබාදුන් පුද්ගලයන් ද සිටින බව වාර්තා වේ. පවතින යුදමය වාතාවරණය හමුවේ රටේ ආරක්ෂාවට තර්ජනයක් වන අභ්යන්තර ඔත්තුකරුවන් හඳුනා ගැනීම සඳහා ඉරාන ආරක්ෂක අංශ මේ වන විට දැඩි මෙහෙයුමක් දියත් කර ඇති බව පොලිස් ප්රධානියා වැඩිදුරටත් සඳහන් කළේය.
