රජය විසින් ප්රකාශයට පත් කර ඇති බදාදා විශේෂ නිවාඩු දිනය, රජයේ අනුමත සියලුම පෞද්ගලික පාසල් සඳහා ද අදාළ වන බව අධ්යාපන නියෝජ්ය අමාත්යවරයා තහවුරු කරයි. රට තුළ පවතින වත්මන් තත්ත්වය සැලකිල්ලට ගනිමින් බලශක්තිය සහ සම්පත් කළමනාකරණය කිරීමේ අරමුණින් මෙම තීරණය ගෙන ඇත. මීට පෙර රජයේ පාසල් සහ විශ්වවිද්යාල සඳහා පමණක් මෙම නිවාඩුව බලපැවැත්වෙන බව ප්රකාශ වුවද, නව තීරණය අනුව රජයේ අනුමත පෞද්ගලික අධ්යාපන ආයතන ද බදාදා දිනවල වසා තැබිය යුතුය.
මෙම නිවාඩුවට සමගාමීව, බදාදා දිනවල උපකාරක පන්ති පැවැත්වීම ද සම්පූර්ණයෙන්ම තහනම් කර ඇති බව අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා අවධාරණය කරයි. සෑම සතියකම බදාදා දිනය අධිකරණ සේවා, රජයේ කාර්යාල සහ අධ්යාපන ආයතන සඳහා නිල නිවාඩු දිනයක් වන අතර, පෞද්ගලික අංශයෙන් ද මෙම වැඩපිළිවෙළට සහාය දක්වන ලෙස රජය ඉල්ලා සිටියි. කෙසේ වෙතත්, සෞඛ්ය සහ බලශක්ති වැනි අත්යවශ්ය සේවා සපයන ආයතන මෙම විශේෂ නිවාඩුව යටතට ඇතුළත් නොවේ.
