ගෝලීය වශයෙන් පවතින අභියෝගාත්මක වාතාවරණය මධ්යයේ වුවද, ශ්රී ලංකාවට පැමිණෙන විදෙස් සංචාරකයන් උණුසුම් ලෙස පිළිගැනීමට සහ ඔවුන්ගේ ආරක්ෂාව තහවුරු කිරීමට රජය නිරන්තරයෙන් සූදානම්ව සිටින බව සංචාරක කටයුතු නියෝජ්ය අමාත්ය රුවන් රණසිංහ මහතා අද (18) ප්රකාශ කළේය.
මැදපෙරදිග යුද ගැටුම් සහ ජාත්යන්තර දේශපාලන අවිනිශ්චිතතා හේතුවෙන් පීඩාවට පත්ව සිටින සංචාරකයන්ට අවශ්ය පහසුකම් සහ සහන සැලසීමට රජය විශේෂ වැඩපිළිවෙළක් ක්රියාත්මක කර ඇත
සංචාරකයන්ගේ පහසුව වෙනුවෙන් “Lily Lanka App” මෘදුකාංගය හඳුන්වා දීම සහ ඔවුන්ට අවශ්ය ඉන්ධන ලබා ගැනීමට විශේෂ QR ක්රමවේදයක් සකස් කිරීම හරහා මෙරට සංචාරය වඩාත් සුරක්ෂිත කර තිබේ
අද දින ජාතික යොවුන් සේනාංකය හරහා පුහුණුව ලැබූ ‘බැරිස්ටා’ වෘත්තිකයන් පිරිසක් ක්ෂේත්රයට එක්වීම, පැමිණෙන සංචාරකයන්ට උසස් ආගන්තුක සත්කාරයක් ලබා දීමට ඉවහල් වන බව ද අමාත්යවරයා පෙන්වා දුන්නේය
ඉරාන-ඇමෙරිකානු යුද තත්ත්වය සහ ගෝලීය තෙල් මිල ඉහළ යාම හමුවේ වුවද, ශ්රී ලංකාව ආරක්ෂිත සංචාරක ගමනාන්තයක් ලෙස පවත්වාගෙන යාම රජයේ මූලික අරමුණයි.
රුසියාව සමඟ අද පැවැති බලශක්ති සාකච්ඡා සහ හෙට සිට ක්රියාත්මක වන නව වාහන අංක තහඩු ක්රමය මඟින් මෙරට අභ්යන්තර ප්රවාහන කටයුතු තවදුරටත් විධිමත් වන බැවින් සංචාරකයන්ට බාධාවකින් තොරව මෙරට සංචාරය කළ හැකි බව ද මෙහිදී සඳහන් කෙරිණි.
