මැදපෙරදිග පවතින නොසන්සුන්කාරී තත්ත්වය හමුවේ මෙරට අපනයන ක්ෂේත්රය සුරක්ෂිත කිරීම සඳහා අපනයනකරුවන්ට ප්රමුඛතා පදනම මත ඉන්ධන ලබාදීමේ විශේෂ වැඩපිළිවෙළක් ආරම්භ කර ඇති බව ශ්රී ලංකා අපනයන සංවර්ධන මණ්ඩලයේ (EDB) සභාපති මංගල විජේසිංහ මහතා පවසයි. ඇඟලුම්, තේ සහ කුළුබඩු ඇතුළු ප්රධාන ක්ෂේත්රවල නියුතු අපනයනකරුවන් 4,500කට අධික පිරිසකට මෙමඟින් සහන සැලසෙන අතර, තවමත් දත්ත ලබා දී නොමැති අපනයනකරුවන්ට වහාම තම තොරතුරු ඉදිරිපත් කරන ලෙස සභාපතිවරයා ඉල්ලා සිටී. ගෝලීය ඉන්ධන අර්බුදය හමුවේ මෙරට අපනයන කටයුතු අඛණ්ඩව පවත්වාගෙන යාම සහ ජාත්යන්තර තරඟකාරිත්වය ආරක්ෂා කර ගැනීම මෙම වැඩපිළිවෙළේ මූලික අරමුණයි.
