ගෝලීය වශයෙන් පවතින බලශක්ති අර්බුදය සහ මැදපෙරදිග යුදමය නොසන්සුන්තාවය හමුවේ කොළඹ කොටස් වෙළඳපොළ සියලු කොටස් මිල දර්ශකය (ASPI) අද (මාර්තු 19) දිනය අවසානයේ ඒකක 376.62 කින් (1.82%) පහත වැටී තිබේ. ඒ අනුව දිනය අවසානයේ දර්ශකය ඒකක 20,264.01 ක් ලෙස සටහන් විය.
අද දින වාර්තා වූ මුළු පිරිවැටුම රුපියල් බිලියන 3.9 ක් ලෙස සටහන් වූ අතර මැදපෙරදිග තෙල් සහ ගෑස් මධ්යස්ථානවලට එල්ල වූ ප්රහාර හේතුවෙන් ඇති වූ ආර්ථික අවිනිශ්චිතතාවය ආයෝජකයින්ගේ හැසිරීම කෙරෙහි සෘජුව බලපා ඇති බව ආර්ථික විශ්ලේෂකයෝ පෙන්වා දෙති. විශේෂයෙන්ම ගෝලීය ඉන්ධන මිල ඉහළ යාම මෙරට නිෂ්පාදන සහ ප්රවාහන ක්ෂේත්රවල ලාභාංශ කෙරෙහි බලපෑ හැකි බවට පවතින බිය දර්ශකය පහත වැටීමට ප්රධාන හේතුවක් වී ඇත.
මෙම තත්ත්වය හමුවේ ඉදිරි දින කිහිපය තුළ කොටස් වෙළඳපොළ හැසිරීම පිළිබඳව ආයෝජකයින් විමසිල්ලෙන් පසුවන අතර රජය විසින් ප්රකාශයට පත් කරන ලද නව ආර්ථික සහන පැකේජයන් වෙළඳපොළ ස්ථාවර කිරීමට උපකාරී වනු ඇතැයි අපේක්ෂා කෙරේ.
