2022 වසරේ සිට BTS කණ්ඩායමේ යළි පැමිණීම (Comeback) අපේක්ෂාවෙන් සිටි ලොව පුරා ARMY රසිකයන්ගේ සිහිනය සැබෑ කරමින් ඔවුන්ගේ නවතම ඇල්බමය වන ‘Arirang’ අද (මාර්තු 20) නිල වශයෙන් නිකුත් කෙරේ. හමුදා සේවය සහ තනි පුද්ගල නිර්මාණ (Solo projects) සඳහා වෙන් වූ විරාමයකින් පසු BTS සාමාජිකයන් හත්දෙනාම එක්ව ඉදිරිපත් කරන මෙම ඇල්බමය ලෝක සංගීත ක්ෂේත්රයේ දැවැන්ත පෙරළියක් කරනු ඇතැයි අපේක්ෂා කෙරේ.
මෙම ඇල්බමය නිකුත් වන වේලාව සහ ශ්රවණය කළ හැකි ස්ථාන පිළිබඳව සලකා බැලීමේදී, එක්සත් අරාබි එමීර් රාජ්යයේ (UAE) වේලාවෙන් අද උදෑසන 8:00ට (කොරියානු වේලාවෙන් පස්වරු 1:00ට) මෙම ඇල්බමය සියලුම සංගීත ප්ලැට්ෆෝම් වෙත නිකුත් කිරීමට නියමිතය. රසිකයන්ට මෙය Spotify, Apple Music, YouTube Music සහ Amazon Music හරහා ශ්රවණය කිරීමට අවස්ථාව පවතී.
‘Arirang’ ඇල්බමය ගීත 14කින් සමන්විත වන අතර ඒ සඳහා Tame Impala, Diplo සහ Ryan Tedder වැනි ලෝක ප්රකට සංගීත නිර්මාණකරුවන් දායක වී තිබීම විශේෂත්වයකි. මෙහි ප්රධාන ගීතය (Title Track) ලෙස ‘SWIM’ නම් කර ඇති අතර සෙසු ගීත ලෙස Body to Body, Hooligan, Aliens, FYA, 2.0, No. 29 (Interlude), Merry Go Round, NORMAL, Like Animals, they don’t know ’bout us, One More Night, Please සහ Into the Sun යන නිර්මාණ ඇතුළත් වේ.
මෙම ඇල්බමය සම්බන්ධයෙන් රසිකයන් විවිධ අනුමාන සහ සිද්ධාන්ත ඉදිරිපත් කරමින් සිටිති. විශේෂයෙන්ම ප්රධාන ගීතය වන ‘Swim’ සඳහා නිකුත් කළ ටීසර් ද්විත්වය හරහා රසිකයන් විවිධ මත පළ කරන අතර ඇතැමුන් පවසන්නේ මෙහි දර්ශන RM ගේ කලාකාමී ශෛලියට සමාන බවයි. තවත් පිරිසක් පවසන්නේ මෙය සුප්රකට HYYH යුගයේ කථා තේමාවට (Storyline) සම්බන්ධ විය හැකි බවයි.
