චීන තර්ජනයන්ට මුහුණ දීම සඳහා හමුදා ශක්තිය වර්ධනය කිරීමේ අරමුණින් ඩොලර් බිලියන 6.6ක (තායිවාන් ඩොලර් බිලියන 210ක) දැවැන්ත ඩ්රෝන මිලදී ගැනීමේ විශේෂ අයවැය පනත කඩිනමින් සම්මත කරගන්නා ලෙස තායිවාන ජනාධිපති ලායි චිං-තේ (Lai Ching-te) පාර්ලිමේන්තුවෙන් ඉල්ලීමක් කර තිබේ.
යුක්රේන සහ මැදපෙරදිග යුද ගැටුම් හරහා නූතන යුධ පිටියේ ඩ්රෝන තාක්ෂණයේ ඇති වැදගත්කම පැහැදිලි වී ඇති බැවින්, හමුදාව සඳහා හමුදා ඩ්රෝන 210,000ක් කඩිනමින් මිලදී ගැනීමට තායිවාන රජය සැලසුම් කරයි. කෙසේ වෙතත් විපක්ෂය නියෝජනය කරන කුඕමින්ටැං (Kuomintang) පක්ෂය පවසන්නේ තාක්ෂණය වේගයෙන් වෙනස් වන බැවින් එකවර විශාල ප්රමාණයක් මිලදී ගැනීම අවාසිදායක බවයි. නමුත් චීන ආක්රමණයකින් රට ආරක්ෂා කර ගැනීමට සහ තායිවානයේ ස්වයං-ආරක්ෂක ශක්තිය ලොවට පෙන්වීමට මෙම පනත අත්යවශ්ය බව ජනාධිපතිවරයා වැඩිදුරටත් අවධාරණය කරයි.
තොරතුරු උපුටා ගැනීම: Reuters ඇසුරින්
