ජාත්යන්තර යුදමය වාතාවරණය හමුවේ ශ්රී ලංකාව දැඩි මධ්යස්ථ ප්රතිපත්තියක් අනුගමනය කරන බව සනාථ කරමින් ඇමරිකානු ප්රහාරක යානා දෙකක් මත්තල ගුවන්තොටුපොළට ගොඩබැස්වීමට කළ ඉල්ලීම මෙන්ම ඉරාන නෞකා තුනක් මෙරටට පැමිණීමට කළ ඉල්ලීම ද රජය විසින් ප්රතික්ෂේප කර තිබේ. ජනාධිපති අනුර කුමාර දිසානායක මහතා අද (20) පාර්ලිමේන්තුව අමතමින් මේ බව අනාවරණය කළේය. මැදපෙරදිග කලාපයේ පවතින ගැටුම්කාරී තත්ත්වය හමුවේ කිසිදු පාර්ශ්වයකට පක්ෂපාතී නොවී කටයුතු කිරීම රජයේ අරමුණ බව ජනාධිපතිවරයා මෙහිදී අවධාරණය කළේය.
මෙම තීරණය හරහා ශ්රී ලංකාව සිය ස්වෛරීභාවය සහ ජාත්යන්තර ගෞරවය ආරක්ෂා කර ගැනීමට පියවර ගෙන ඇති බවත්, මධ්යස්ථ රාජ්යයක් ලෙස කටයුතු කිරීම මගින් කලාපීය ආරක්ෂාව තහවුරු කිරීමට සහාය වන බවත් රජය පෙන්වා දෙයි. විශේෂයෙන්ම මැදපෙරදිග ගුවන් සේවා අර්බුදය හමුවේ මත්තල ගුවන්තොටුපොළ විකල්ප මධ්යස්ථානයක් ලෙස භාවිත කිරීමේ හැකියාව පවතින පසුබිමක මෙවැනි තීරණයක් ගැනීම අතිශය වැදගත් වේ. ජාත්යන්තර බලපෑම්වලට නතු නොවී රටේ අනන්යතාවය රැක ගැනීම සඳහා මෙම පියවර ගත් බව ජනාධිපතිවරයා වැඩිදුරටත් සඳහන් කළේය.
