මැදපෙරදිග කලාපයේ පවතින දැඩි යුද ගැටුම් හමුවේ පීඩාවට පත් ලෙබනනයේ බේරූට් (Beirut) නුවර වැසියන් සඳහා අත්යවශ්ය ඖෂධ සහ වෛද්ය උපකරණ රැගත් පළමු ගොඩබිම් රථ පෙළ පිටත් කර යැවීමට ලෝක සෞඛ්ය සංවිධානය (WHO) පියවර ගෙන තිබේ. ඩුබායි හි පිහිටි ගෝලීය හදිසි මෙහෙයුම් මධ්යස්ථානයේ සිට මෙට්රික් ටොන් 22ක බරින් යුත් ජීවිතාරක්ෂක ඖෂධ සහ හදිසි ප්රතිකාර උපකරණ තොගයක් මෙලෙස යවා ඇති බව එම සංවිධානයේ ප්රධානී ටෙඩ්රොස් අද්නාම් ගෙබ්රෙයීසස් මහතා සනාථ කළේය.
මෙම වෛද්ය ආධාර තොගය රෝගීන් 50,000කට ප්රතිකාර කිරීමට සහ ශල්යකර්ම 40,000ක් සිදු කිරීමට ප්රමාණවත් වන අතර, එය සතියක් ඇතුළත බේරූට් නුවරට ළඟා වීමට නියමිතය. කලාපයේ පවතින ප්රවාහන බාධක මධ්යයේ නව ගොඩබිම් මාර්ගයක් (Land bridge) හරහා මෙම සහනාධාර ප්රවාහනය කෙරෙන අතර, ඉරාන උත්තරීතර නායකයාගේ ඝාතනයෙන් පසු ලෙබනනය සහ ඊශ්රායලය අතර ඇති වූ ගැටුම් හේතුවෙන් එරට සෞඛ්ය ක්ෂේත්රය මුහුණ දී ඇති දැඩි අර්බුදයට මෙය විශාල සහනයක් වනු ඇතැයි අපේක්ෂා කෙරේ.
