2026 පෙබරවාරි 28 වැනිදා ආරම්භ වූ මෙම යුදමය වාතාවරණය හමුවේ, ලොව ප්රබලතම හමුදා ශක්තියක් සහිත ඇමරිකා එක්සත් ජනපදය සහ තාක්ෂණිකව අතිශය දියුණු ඊශ්රායලය එක්ව ඉරානයට එරෙහිව මෙහෙයුම් දියත් කරමින් සිටියි. 2025 සහ 2026 යුද ශක්ති දර්ශකයන්ට අනුව ඇමරිකාව ගෝලීය වශයෙන් පළමු ස්ථානයේ පසුවන අතර ඊශ්රායලය 14 වැනි ස්ථානයේත් ඉරානය 11 වැනි ස්ථානයේත් පසුවෙයි.
මෙම යුද්ධය ආරම්භ වී සති හතරක් ගතවන විට ඉරානයට සිය උත්තරීතර නායක අලි කමේනි ඇතුළු ප්රබල නායකයින් රැසක් අහිමි වී තිබේ. මානව හිමිකම් ක්රියාකාරීන්ගේ (HRANA) වාර්තාවලට අනුව ඉරානය තුළ පුද්ගලයින් 3,000කට අධික පිරිසක් මියගොස් ඇති අතර ඉන් 1,165ක් හමුදා සාමාජිකයින් වන අතර 210ක් දරුවන් ඇතුළු සිවිල් වැසියන් 1,398ක් වේ. ඊශ්රායලය තුළ මිසයිල ප්රහාරවලින් සිවිල් වැසියන් 15 දෙනෙකු සහ ඇමරිකානු සෙබළුන් 13 දෙනෙකු ජීවිතක්ෂයට පත්ව ඇත.
ඉරානය සතු ප්රධාන ශක්තිය වී ඇත්තේ ඔවුන්ගේ බැලිස්ටික් මිසයිල පද්ධතිය සහ හෝමූස් සමුද්ර සන්ධිය අවහිර කරමින් ගෝලීය බලශක්ති වෙළෙඳපොළට බලපෑම් කිරීමේ හැකියාවයි. කෙසේ වෙතත් ඇමරිකාව සහ ඊශ්රායලය සතු අතිනවීන ගුවන් යානා, නිරවද්ය මිසයිල පද්ධති සහ බුද්ධි තොරතුරු ජාලය හමුවේ ඉරානයේ හමුදා මධ්යස්ථාන රැසක් මේ වන විට විනාශ වී තිබේ. ඇමරිකානු සහ ඊශ්රායල ආක්රමණය නතර කරන තෙක් තමන් දිගින් දිගටම ප්රතිප්රහාර එල්ල කරන බව ඉරානය ප්රකාශ කර ඇතත්, ඒකාබද්ධ හමුදා බලය හමුවේ ඔවුන් දැඩි අසීරුතාවකට පත්ව ඇති බව විශ්ලේෂකයෝ පෙන්වා දෙති.
