කලාපීය යුදමය තත්ත්වය හේතුවෙන් ගෝලීය සැපයුම් ජාලයට එල්ල වී ඇති බලපෑම් අවම කිරීමේ අරමුණින්, සෞදි අරාබියේ වරාය අධිකාරිය (Mawani) විසින් එරට නැගෙනහිර කලාපයේ වරායන් වෙත පැමිණෙන නෞකා සඳහා ඉන්ධන සහ අනෙකුත් අත්යවශ්ය සේවා සැපයීමේ විශේෂ වැඩපිළිවෙළක් අද (22) ආරම්භ කර තිබේ.
මෙම නව වැඩපිළිවෙළ යටතේ නෞකා සඳහා ලබාදෙන සේවාවන්:
නෞකා සඳහා අවශ්ය ඉන්ධන සහ ජලය කඩිනමින් සැපයීම.
ආහාර ද්රව්ය සහ ඖෂධ ඇතුළු අත්යවශ්ය ද්රව්ය සෘජුවම ලබාදීම.
නෞකා කාර්ය මණ්ඩල හුවමාරු කිරීම සඳහා අවශ්ය පහසුකම් සැලසීම.
නාවික කටයුතු අඛණ්ඩව පවත්වාගෙන යාම සඳහා අවශ්ය අනෙකුත් සියලුම මෙහෙයුම් සහයෝගය ලබාදීම.
හෝමූස් සමුද්ර සන්ධියේ පවතින අවහිරතා සහ කලාපීය ආරක්ෂක තර්ජන හමුවේ, ජාත්යන්තර වෙළෙඳ නෞකාවලට අවශ්ය පහසුකම් කාර්යක්ෂමව සැපයීම හරහා සිය මෙහෙයුම් ධාරිතාව ශක්තිමත් කිරීමට සෞදි අරාබිය මෙලෙස පියවර ගෙන ඇත.
