ඇමරිකානු ජනාධිපති ඩොනල්ඩ් ට්රම්ප් විසින් ඉරානයේ න්යෂ්ටික සහ බලශක්ති මධ්යස්ථාන ඉලක්ක කර ප්රහාර එල්ල කරන බවට කළ ප්රකාශයට ප්රතිචාර දක්වමින් ඉරාන විප්ලවීය ආරක්ෂක බළකාය (IRGC) අද (22) දරුණු අනතුරු ඇඟවීමක් නිකුත් කර තිබේ. ඉරානයේ න්යෂ්ටික මධ්යස්ථානවලට හානි වුවහොත් ලෝකයේ ප්රධානතම තෙල් ප්රවාහන මාර්ගය වන හෝමූස් සමුද්ර සන්ධිය (Strait of Hormuz) සම්පූර්ණයෙන්ම වසා දමන බවත්, එම මධ්යස්ථාන යළි ගොඩනගන තෙක් එය විවෘත නොකරන බවත් ඔවුහු අවධාරණය කරති.
මෙම අනතුරු ඇඟවීමට අනුව ඊශ්රායලයේ බලශක්ති පද්ධති, තොරතුරු තාක්ෂණ සහ සන්නිවේදන යටිතල පහසුකම් ඉලක්ක කරමින් දැවැන්ත ප්රහාර එල්ල කිරීමට ඉරානය සූදානම් වේ. එමෙන්ම ඇමරිකානු හමුදා කඳවුරු පවත්වාගෙන යන කලාපීය රටවල බලාගාර සහ ඇමරිකානු කොටස්කරුවන් සහිත සමාගම් තම “නීත්යානුකූල ඉලක්ක” බවට පත්වන බව ද ඉරානය පවසා ඇත. හෝමූස් සමුද්ර සන්ධිය හරහා ලෝකයේ දෛනික තෙල් පරිභෝජනයෙන් 20%ක් පමණ ප්රවාහනය වන බැවින්, මෙම තර්ජනය ක්රියාත්මක වුවහොත් ගෝලීය බලශක්ති අර්බුදයක් සහ තෙල් මිල අතිවිශාල ලෙස ඉහළ යාමක් අපේක්ෂා කළ හැකිය.
