අද (23) මධ්යම රාත්රියේ සිට ක්රියාත්මක වන පරිදි ග්රෑම් 450ක පාන් ගෙඩියක මිල රුපියල් 10කින් ඉහළ නැංවීමට සමස්ත ලංකා බේකරි හිමියන්ගේ සංගමය තීරණය කර තිබේ. ඒ අනුව හෙට (24) සිට පාන් ගෙඩියක නව මිල රුපියල් 130ක් වනු ඇත.
පාන් මිල ඉහළ යාමට සමගාමීව බනිස්, මාලු පාන් ඇතුළු අනෙකුත් බේකරි නිෂ්පාදනවල මිල ගණන් ද රුපියල් 10කින් ඉහළ නංවන බව එම සංගමය වැඩිදුරටත් සඳහන් කළේය. මැදපෙරදිග කලාපයේ පවතින යුදමය වාතාවරණය හමුවේ රජය විසින් පසුගිය දිනවල පෙට්රල් සහ ඩීසල් මිල ඉහළ නැංවීම නිසා ප්රවාහන හා නිෂ්පාදන පිරිවැය අධික ලෙස වැඩි වීම මෙම මිල සංශෝධනයට ප්රධාන හේතුව වී තිබේ. ඉන්ධන මිල ඉහළ යාමත් සමඟ බේකරි නිෂ්පාදනයට අවශ්ය අනෙකුත් අමුද්රව්යවල මිල ද ඉහළ ගොස් ඇති බැවින් ව්යාපාර පවත්වාගෙන යාම සඳහා මෙම තීරණය ගැනීමට සිදු වූ බව බේකරි හිමියෝ පවසති.
