ඉරාන ප්රහාර හමුවේ ගල්ෆ් කලාපීය අරාබි රටවල් දැඩි අසීරුතාවයට පත්ව සිටින මොහොතක, ප්රමුඛ පෙළේ අරාබි සහ ඉස්ලාමීය රටවල් නිහඬව සිටීම එක්සත් අරාබි එමීර් රාජ්යයේ ජනාධිපති උපදේශක අන්වර් ගර්ගාෂ් (Anwar Gargash) මහතාගේ දැඩි දෝෂාරෝපණයට ලක්ව තිබේ. “සෞභාග්යමත් කාලවකවානුවලදී ගල්ෆ් රටවල් සැමට සහයෝගය දුන් මිතුරෙකු සහ හවුල්කරුවෙකු වූ බවත්, අද පවතින මෙම දුෂ්කර අවස්ථාවේදී එම රටවල් කොහිද?” යන්න ඔහු ප්රශ්න කර සිටී.
සිය X ගිණුමේ සටහනක් තබමින් ඔහු කියා සිටියේ, ඉරානයේ “ද්රෝහී ආක්රමණයට” එරෙහිව අරාබි ලීගය (Arab League) සහ ඉස්ලාමීය සහයෝගිතා සංවිධානය (OIC) වැනි ප්රධාන ආයතන නිසි ලෙස ක්රියාත්මක නොවීම කණගාටුවට කරුණක් බවයි. මෙවැනි තීරණාත්මක මොහොතක කලාපීය බලවතුන්ගේ සහයෝගය නොලැබීම හේතුවෙන්, ඉදිරියේදී මැදපෙරදිග කලාපය තුළ අරාබි හෝ ඉස්ලාමීය භූමිකාව හීන වී යන බවට හෝ බටහිර රටවල මැදිහත්වීම ගැන විවේචනය කිරීමට කිසිවෙකුට අයිතියක් නොමැති බව ද ඔහු අවධාරණය කළේය.
ඉරානයේ මෙම වැරදි සහගත තීරණ හේතුවෙන් වොෂින්ටනය සමඟ පවතින ආරක්ෂක සබඳතා තවදුරටත් ශක්තිමත් කිරීමට එක්සත් අරාබි එමීර් රාජ්යයට සිදුවන බව ද ගර්ගාෂ් මහතා වැඩිදුරටත් පවසා තිබේ. මැදපෙරදිග පවතින වත්මන් යුදමය තත්ත්වය හමුවේ ගල්ෆ් කලාපීය රටවල ආරක්ෂාව සහ ස්ථාවරත්වය පිළිබඳව බරපතළ අවදානමක් මතුව ඇති බව මෙම ප්රකාශය මඟින් මැනවින් පැහැදිලි වේ.
