අමෙරිකානු ජනාධිපති ඩොනල්ඩ් ට්රම්ප් විසින් ඉරානය සමඟ පවතින සාකච්ඡා “ඵලදායී” මට්ටමක පවතින බවට කළ ප්රකාශය ඉරාන බලධාරීන් විසින් සම්පූර්ණයෙන්ම ප්රතික්ෂේප කර තිබේ. ඉරානයේ ෆාර්ස් (Fars) පුවත් ඒජන්සිය වාර්තා කරන පරිදි, වර්තමානයේ දෙරට අතර කිසිදු සෘජු හෝ වක්ර රාජ්ය තාන්ත්රික සන්නිවේදනයක් සිදු නොවන බව ඉරාන රජයේ අභ්යන්තර ආරංචි මාර්ග තහවුරු කරයි.
පවතින යුදමය සහ දේශපාලනික අර්බුදය සමනය කිරීම සඳහා කිසිදු මට්ටමක සාකච්ඡාවක් මෙතෙක් ආරම්භ වී නොමැති බවත්, ට්රම්ප් පාලනය සමඟ ගනුදෙනු කිරීමට සූදානමක් නොමැති බවත් ඉරානය අවධාරණය කරයි. හෝමූස් සමුද්ර සන්ධිය සහ බලශක්ති පද්ධති ඉලක්ක කරගනිමින් දෙපාර්ශ්වයම අනතුරු ඇඟවීම් නිකුත් කර ඇති පසුබිමක, මෙම ප්රකාශය කලාපීය නොසන්සුන්තාව තවදුරටත් උග්ර වීමට හේතු විය හැකිය.
