නව ව්යවසායකයන් බිහිකිරීම සඳහා රජය හඳුන්වා දුන් සහනදායී ණය යෝජනා ක්රමය අඛණ්ඩව පවත්වාගෙන යාමට 2026 අයවැය මගින් රුපියල් මිලියන 750ක අතිරේක ප්රතිපාදන වෙන් කිරීමට තීරණය කර තිබේ. රජයේ ප්රතිපත්ති ප්රකාශයට අනුව ඉදිරි වසර පහ ඇතුළත තරුණ තරුණියන් 50,000ක් ව්යවසායකයන් ලෙස ගොඩනැගීම මෙහි මූලික අරමුණයි.
කෘෂිකාර්මික හා කාර්මික අංශයන්හි නියැලෙන තරුණ ව්යවසායකයන් දිරිමත් කිරීම වෙනුවෙන් 2025 අයවැය මගින් රුපියල් මිලියන 500ක් මුලින් වෙන් කර තිබූ අතර, එහි සාර්ථකත්වය මත මෙම වසරේදී ප්රතිපාදන තවදුරටත් ඉහළ නංවා ඇත. මෙම ණය යෝජනා ක්රමය යටතේ වාර්ෂිකව සියයට හතරක (4%) සහනදායී පොලී අනුපාතයක් යටතේ මහජන බැංකුව, ලංකා බැංකුව සහ ප්රාදේශීය සංවර්ධන බැංකුව හරහා ණය පහසුකම් ලබා ගැනීමට අවස්ථාව සැලසේ.
කෘෂිකර්ම, පශු සම්පත්, ඉඩම් හා වාරිමාර්ග අමාත්යවරයා විසින් ඉදිරිපත් කරන ලද ක්රියාකාරී සැලැස්මට සහ මාර්ගෝපදේශවලට අමාත්ය මණ්ඩල අනුමැතිය හිමිව තිබේ. මෙමගින් තරුණ පරපුර දේශීය නිෂ්පාදන ක්රියාවලියට සක්රීයව දායක කරගනිමින් රටේ ආර්ථිකය ශක්තිමත් කිරීමට අපේක්ෂිතය.
