ශ්රී ලංකාවේ අධ්යාපන පද්ධතිය විධිමත්ව නවීකරණය කිරීම සහ නියාමනය කිරීම අරමුණු කරගනිමින් ‘අධ්යාපන ප්රතිසංස්කරණ සඳහා වූ ජාතික මෙහෙයුම් කමිටුව’ ස්ථාපිත කිරීමට අමාත්ය මණ්ඩලයේ අනුමැතිය හිමිව තිබේ. අධ්යාපන, උසස් අධ්යාපන සහ වෘත්තීය අධ්යාපන අමාත්යවරිය ලෙස ගරු අග්රාමාත්යතුමිය ඉදිරිපත් කළ යෝජනාවකට අනුව මෙම විශේෂඥ කමිටුව පිහිටුවනු ලබන අතර, එහි ප්රධාන වගකීම වන්නේ වත්මන් රජයේ ප්රතිපත්තිවලට අනුකූලව අධ්යාපන ප්රතිසංස්කරණ ක්රියාවලිය අඛණ්ඩව අධීක්ෂණය කිරීමයි.
රජයේ සැලසුම්වලට අනුව 2026 වර්ෂයේ සිට 1 ශ්රේණිය සඳහා වන නව අධ්යාපන ප්රතිසංස්කරණ ක්රියාත්මක කිරීම දැනටමත් ආරම්භ කර ඇති අතර, එහි මීළඟ පියවර ලෙස 2027 වර්ෂයේ සිට 6 ශ්රේණිය සඳහා ද නව ප්රතිසංස්කරණ හඳුන්වා දීමට නියමිතය. මෙම සමස්ත ක්රියාවලිය විද්යාත්මකව සහ විධිමත්ව පවත්වාගෙන යාම සඳහා අදාළ අමාත්යවරුන්, අධ්යාපන විශේෂඥයින්, ජ්යෙෂ්ඨ රාජ්ය නිලධාරීන්, වෘත්තිකයින් මෙන්ම වෘත්තීය සමිති නියෝජිතයින් ද මෙම ජාතික මෙහෙයුම් කමිටුවට ඇතුළත් කර ගැනීමට තීරණය කර ඇත. මෙම පියවර හරහා දේශපාලන අස්ථාවරත්වයෙන් තොර ස්ථාවර සහ නවීන අධ්යාපන ප්රතිපත්තියක් මෙරට තුළ ස්ථාපිත කිරීමට අපේක්ෂිතය.
