විශේෂඥ වෛද්යවරයෙකුගේ නිර්දේශයකින් තොරව මානසික රෝගීන් සඳහා ලබාදෙන ඖෂධ පෙති තරුණයින් ඉලක්ක කර ගනිමින් නීති විරෝධී ලෙස අලෙවි කළ හැටන් නගරයේ ඔසුසැල් හිමියෙකු අත්අඩංගුවට ගැනීමට හැටන් කොට්ඨාස දූෂණ මර්දන ඒකකය සමත්ව තිබේ. සැකකරු විසින් මෙම ඖෂධ වර්ග ඉතා අධික මිලකට තරුණ ප්රජාව වෙත අලෙවි කරන බවට ලද තොරතුරකට අනුව පොලිස් උපාය දූතයෙකු යොදා ගනිමින් මෙම වැටලීම සිදු කර ඇත. එහිදී අලෙවි කිරීමට සූදානම් කර තිබූ මත්පෙති 1,400කට ආසන්න සංඛ්යාවක් පොලිස් භාරයට ගෙන ඇති අතර සැකකරු හැටන් මහේස්ත්රාත් අධිකරණය වෙත ඉදිරිපත් කිරීමට නියමිතය. ප්රදේශයේ තරුණ පරපුර මත්ද්රව්යවලට ඇබ්බැහි වීම වැළැක්වීම සඳහා පොලිසිය ක්රියාත්මක කරන විශේෂ මෙහෙයුම් මාලාවක ප්රතිඵලයක් ලෙස මෙම අත්අඩංගුවට ගැනීම සිදු කර ඇති බව වාර්තා වේ.
