කොළඹ වරායේ ඉදිරි සංවර්ධන ව්යාපෘති සහ මෙහෙයුම් කාර්ය සාධනය ඉහළ නැංවීම සඳහා ආසියානු සංවර්ධන බැංකුවේ (ADB) අඛණ්ඩ දායකත්වය ලබාදෙන බව එහි සභාපති මසටෝ කණ්ඩා (Masato Kanda) මහතා තහවුරු කර තිබේ. තෙදින නිල සංචාරයක් සඳහා මෙරටට පැමිණි ඒ මහතා ඇතුළු දූත පිරිස ඊයේ (24) කොළඹ වරායේ නිරීක්ෂණ චාරිකාවකට එක්වෙමින් මේ බව ප්රකාශ කළහ. මෙම සංචාරයේදී වරායේ වත්මන් සංවර්ධන ව්යාපෘති සමාලෝචනය කළ අතර, ඉදිරි මෙහෙයුම් ක්රියාවලීන් නවීකරණය කිරීම සම්බන්ධයෙන් ද විශේෂ අවධානයක් යොමු විය.
වරාය හා සිවිල් ගුවන්සේවා අමාත්යාංශය සහ ශ්රී ලංකා වරාය අධිකාරිය සමඟ පවතින සහයෝගීතාව තවදුරටත් ශක්තිමත් කිරීමට මෙහිදී තීරණය වී ඇති අතර, කොළඹ වරාය කලාපීය නාවික මධ්යස්ථානයක් ලෙස ප්රවර්ධනය කිරීමට ADB බැංකුව මූල්ය හා තාක්ෂණික සහාය ලබාදීමට නියමිතය. මැදපෙරදිග පවතින යුදමය වාතාවරණය හමුවේ ඉන්දියානු සාගරයේ නාවික මාර්ගවල වැදගත්කම ඉහළ ගොස් ඇති පසුබිමක, කොළඹ වරායේ යටිතල පහසුකම් සංවර්ධනය කිරීම මෙරට ආර්ථිකයට තීරණාත්මක බලපෑමක් එල්ල කරනු ඇත.
