දේශපාලනඥයන් පසුපස ගොස් රැකියා ලබා ගැනීමේ පැරණි ක්රමවේදය වත්මන් රජය විසින් සම්පූර්ණයෙන්ම වෙනස් කර ඇති බව කර්මාන්ත හා ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා පවසයි. ඕනෑම අයෙකුට රැකියාවක් ලබා ගැනීමේදී දේශපාලන ඇඟිලි ගැසීම්වලින් තොරව, තමන් සතු වෘත්තීය සුදුසුකම්වලට පමණක් ප්රමුඛත්වය ලබා දෙන විනිවිදභාවයකින් යුත් පද්ධතියක් ස්ථාපිත කර ඇති බව ඔහු වැඩිදුරටත් අවධාරණය කළේය.
මාතර දිස්ත්රික් ලේකම් කාර්යාලයේදී පැවැති ජාතික වෘත්තීය සුදුසුකම් (NVQ) සහතික පත්ර ප්රදානෝත්සවයකට එක්වෙමින් අමාත්යවරයා මේ බව සඳහන් කළේය. මෙහිදී මාතර සහ හම්බන්තොට දිස්ත්රික්කවල බර වාහන යන්ත්රෝපකරණ පුහුණුලාභීන් ඇතුළු ශිල්පීන් 258 දෙනෙකු සඳහා NVQ සහතික පත්ර ප්රදානය කෙරිණි. පෙර දැනුම පදනම් කරගත් (RPL) ක්රමය යටතේ වෘත්තීය නිපුණතාවය සහතික කිරීම හරහා ශ්රමිකයන්ට දේශීය හා විදේශීය රැකියා වෙළෙඳපොළ තුළ ඉහළ පිළිගැනීමක් ලබා දීම රජයේ අරමුණ බව ද අමාත්යවරයා මෙහිදී පැවසීය.
