ශ්රී ලංකා ජාතික කාන්තා ක්රිකට් කණ්ඩායම එළඹෙන අප්රේල් සහ මැයි මාසවලදී බංග්ලාදේශයේ සංචාරය කිරීමට නියමිත බව ශ්රී ලංකා ක්රිකට් ආයතනය (SLC) නිල වශයෙන් නිවේදනය කර තිබේ. දෙරට අතර පැවැත්වෙන මෙම ද්විපාර්ශ්වික තරගාවලිය එක්දින (ODI) තරග 3කින් සහ විස්සයි-20 (T20I) තරග 3කින් සමන්විත වේ.
ශ්රී ලංකා ක්රිකට් ආයතනය නිකුත් කළ නිවේදනයට අනුව, මෙම සංචාරය සඳහා ශ්රී ලංකා කණ්ඩායම 2026 අප්රේල් 17 වන දින බංග්ලාදේශය බලා පිටත්ව යාමට නියමිතය. තරගාවලියේ එක්දින තරගාවලිය රාජ්ෂාහි (Rajshahi) හිදී ද, විස්සයි-20 තරගාවලිය සිල්හෙට් (Sylhet) හිදී ද පැවැත්වීමට කටයුතු යොදා ඇත. මෑතකාලීනව ජාත්යන්තර පිටියේ දැක්වූ සුවිශේෂී දක්ෂතා හේතුවෙන් ශ්රී ලංකා කාන්තා කණ්ඩායම කෙරෙහි ක්රීඩා ලෝලීන්ගේ දැඩි අවධානයක් යොමුව පවතින අතර, මෙම සංචාරය ඉදිරි ලෝක කුසලාන තරගාවලි සඳහා කණ්ඩායම සූදානම් කිරීමේ වැදගත් පියවරක් වනු ඇතැයි අපේක්ෂා කෙරේ.
