අමෙරිකා එක්සත් ජනපදයේ ප්රධානතම තැපැල් සේවාව වන USPS (United States Postal Service) විසින් ඔවුන්ගේ ජනප්රියතම පාර්සල් සේවාවන් කිහිපයක් සඳහා 8%ක තාවකාලික අතිරේක ගාස්තුවක් (Surcharge) පැනවීමට යෝජනා කර තිබේ. ඉහළ යන ප්රවාහන පිරිවැය පියවා ගැනීම සඳහා මෙම පියවර ගන්නා බව එම ආයතනය පවසන අතර මේ සම්බන්ධයෙන් වන යෝජනාව තැපැල් නියාමන කොමිෂන් සභාව වෙත දැනටමත් ඉදිරිපත් කර ඇත.
මෙම ගාස්තු සංශෝධනය පිළිබඳව ඔබ දැනගත යුතු වැදගත් කරුණු කිහිපයකි. මෙම යෝජනාව අනුමත වුවහොත් ලබන අප්රේල් 26 වනදා සිට ක්රියාත්මක වන අතර එය 2027 ජනවාරි 17 වනදා දක්වා බලපැවැත්වෙනු ඇත. විශේෂයෙන්ම Priority Mail, Priority Mail Express, USPS Ground Advantage සහ Parcel Select යන සේවාවන් සඳහා මෙම 8%ක අතිරේක ගාස්තුව එකතු වේ. කෙසේ වෙතත් සාමාන්ය ලිපි තැපැල් කිරීම සඳහා භාවිතා කරන First-Class Mail සහ තැපැල් මුද්දර ගාස්තු මෙයින් වෙනස් නොවන බව USPS ආයතනය තහවුරු කර තිබේ.
තමන් මෙතෙක් මෙවැනි අතිරේක ගාස්තු පැනවීමෙන් වැළකී සිටි බවත් අනෙකුත් තරඟකාරී පෞද්ගලික ආයතන ඉන්ධන සඳහා පමණක් අය කරන ගාස්තුවට වඩා තම යෝජිත ගාස්තුව අඩු මට්ටමක පවතින බවත් එම ආයතනය පෙන්වා දෙයි. මේ අතර තීරුබදු පිළිබඳ පැවති අවිනිශ්චිතතාවය හේතුවෙන් සති කිහිපයකට අත්හිටුවා තිබූ ඉන්දියාව සහ අමෙරිකාව අතර තැපැල් සේවාවන් ද යළි ආරම්භ කිරීමට නියමිත බව වාර්තා වේ.
