පවතින උග්ර ඉන්ධන අර්බුදය සහ ප්රවාහන වියදම් ඉහළ යාම හේතුවෙන් සෙනසුරාදා දිනය නිවාඩු දිනයක් ලෙස ප්රකාශයට පත් කරන ලෙස විශේෂඥ වෛද්යවරුන්ගේ සංගමය (AMS) රජයෙන් ඉල්ලා සිටියි. විශේෂයෙන්ම දුරබැහැර රෝහල්වල සේවය කරන වෛද්යවරුන්ට දිනකට කිහිප වතාවක් සිය සේවා ස්ථානය වෙත ගමන් කිරීමට සිදුවීමත්, ඒ සඳහා වැයවන අධික ඉන්ධන පිරිවැය දරාගත නොහැකි වීමත් මෙම ඉල්ලීමට ප්රධාන හේතුව වී තිබේ.
සෙසු රාජ්ය අංශයේ සේවකයින්ට ඉන්ධන මිල ඉහළ යාමට සාපේක්ෂව දීමනා සංශෝධනය වුවද, විශේෂඥ වෛද්යවරුන් සඳහා එවැනි සාධාරණ ප්රවාහන දීමනා ක්රමවේදයක් මෙතෙක් සකස් කර නොමැති බව එම සංගමය පෙන්වා දෙයි. පවතින තත්ත්වය හමුවේ වෛද්යවරුන් අතර දැඩි නොසන්සුන්තාවයක් වර්ධනය වී ඇති අතර, එය දුරබැහැර ප්රදේශවල සෞඛ්ය සේවාවන් අඩාල වීමට හේතු විය හැකි බවට ද ඔවුන් අනතුරු අඟවයි. සෙනසුරාදා නිවාඩු දිනයක් කර වැඩ සතිය සංශෝධනය කිරීම, යාවත්කාලීන කරන ලද ප්රවාහන දීමනා හඳුන්වා දීම සහ අතිරේක රාජකාරි සඳහා විධිමත් ගෙවීම් ක්රමවේදයක් සකස් කිරීම ඔවුන්ගේ ප්රධාන යෝජනා වේ. මේ පිළිබඳව බලධාරීන් සමඟ කඩිනම් සාකච්ඡාවක් අවශ්ය බව ද එම සංගමය අවධාරණය කරයි.
