ඉන්දියාවේ පූරි (Puri) හි පිහිටි 12 වන සියවසට අයත් ඓතිහාසික ශ්රී ජගන්නාත් දේවාලයේ ‘රත්න භාණ්ඩාගාරය’ (Ratna Bhandar) වසර 48කට පසුව ඊයේ (2026 මාර්තු 25) නිල වශයෙන් විවෘත කර එහි ඇති රන්, දියමන්ති සහ අනෙකුත් වටිනා ආභරණ පිළිබඳ විගණනයක් ආරම්භ කර තිබේ. 1978 වසරෙන් පසු මෙවැනි පුළුල් ගණනය කිරීමක් සිදු කරන පළමු අවස්ථාව මෙය වන අතර මේ සඳහා මුම්බායි නුවරින් පැමිණි මැණික් විද්යාඥයින් (Gemmologists) සහ රන්කරුවන් ඇතුළු විශේෂ කණ්ඩායමක් එක්ව සිටිති.
ශ්රී ජගන්නාත් දේවාල පරිපාලනයේ (SJTA) ප්රධානී අරවින්ද කුමාර් පදී මහතා සඳහන් කළේ ඊයේ දහවල් 12:09 ට යෙදුණු සුබ මොහොතින් මෙම කටයුතු ආරම්භ වූ බවයි. එහිදී සම්පූර්ණ ඉන්වෙන්ටරි වාර්තාවක් සකස් කිරීම සඳහා ත්රිමාණ සිතියම්කරණය (3D Mapping), ඡායාරූපකරණය සහ වීඩියෝ ගත කිරීම් ද සිදු කරනු ලැබේ. පළමු දිනයේ පැය හයක මෙහෙයුමකින් පසුව භාණ්ඩාගාරයේ තිබූ චංචල දේපළවලින් 80%ක් පමණ ගණනය කර අවසන් කිරීමට සහන සේවා කණ්ඩායම් සමත් වී ඇත.
මෙම විගණන ක්රියාවලිය ඉන්දීය රිසර්ව් බැංකුවේ (RBI) නිලධාරීන්ගේ අධීක්ෂණය යටතේ සිදු කෙරෙන අතර බර මැනීම් සහ ගිණුම්කරණ කටයුතු විනිවිදභාවයකින් යුතුව සිදු කිරීමට පියවර ගෙන තිබේ. පූරි දිස්ත්රික් බලධාරීන් සහ පොලිසිය විසින් සිංහ ද්වාරය (Lion Gate) හරහා භාණ්ඩාගාරය වෙත යන මාර්ගය පුරා දැඩි ආරක්ෂාවක් යොදවා තිබූ අතර මෙම ඓතිහාසික නිධානයන්හි ආරක්ෂාව තහවුරු කිරීමට රජය විසින් විශේෂ මෙහෙයුම් පටිපාටියක් (SOP) ද හඳුන්වා දී ඇත.
