ශ්රී ලංකාවේ පුද්ගලයින් 5,000ක් පමණ වකුගඩු රෝගයේ අවසන් අදියරේ පසුවන බව සෞඛ්ය ප්රවර්ධන කාර්යාංශය වාර්තා කරයි. එසේ වුවද, වසරක් තුළ සිදු කිරීමට හැකි වී ඇත්තේ වකුගඩු බද්ධ කිරීම් 300ක් පමණක් බව වකුගඩු රෝග පිළිබඳ විශේෂඥ වෛද්ය නාලක හේරත් මහතා පෙන්වා දෙයි. දියවැඩියාව සහ අධික රුධිර පීඩනය වකුගඩු රෝග සඳහා ප්රධානතම හේතු සාධක වන අතර, රෝගීන් බොහෝ දෙනෙකු හඳුනා ගනු ලබන්නේ රෝගය උත්සන්න වූ අවසන් අදියරේදී වීම බරපතල තත්ත්වයකි.
විශේෂයෙන්ම දියවැඩියාව සහ අධික රුධිර පීඩනය පවතින පුද්ගලයින් අවම වශයෙන් වසරකට වරක්වත් තම වකුගඩු පරීක්ෂා කර ගත යුතු බව වෛද්යවරු අවධාරණය කරති. පවතින ඉන්ධන සහ බලශක්ති අර්බුදය හමුවේ වෛද්ය පහසුකම් ලබා ගැනීමේ දුෂ්කරතා පැවතියද, මුල් අවධියේදී රෝගය හඳුනා ගැනීමෙන් වකුගඩු අකර්මණ්ය වීමේ අවදානම අවම කර ජීවිත කාලය වැඩිකර ගත හැකිය. පවතින අධික උණුසුම් කාලගුණය හමුවේ විජලනයෙන් වැළකී සිටීම ද වකුගඩු ආරක්ෂා කර ගැනීමට අතිශය වැදගත් වේ.
