පැරිස් දේශගුණික ගිවිසුම යටතේ 2031-2035 කාලසීමාව සඳහා වන සිය නවතම ඉලක්ක ඉන්දියානු මධ්යම රජය විසින් ඊයේ (2026 මාර්තු 25) අනුමත කර තිබේ. අමෙරිකා එක්සත් ජනපදය වැනි රටවල් ලෝක දේශගුණික රාමුවෙන් ඉවත් වී සිටින පසුබිමක, ඉන්දියාව සිය විමෝචන සීමා කිරීම්, පිරිසිදු බලශක්තිය සහ වනාන්තර සංරක්ෂණය පිළිබඳ කැපවීම් තවදුරටත් ඉහළ නැංවීමට මෙලෙස තීරණය කර ඇත.
ඉන්දියාව සිය දළ දේශීය නිෂ්පාදිතයේ (GDP) විමෝචන තීව්රතාවය, 2005 මට්ටමට සාපේක්ෂව 2035 වන විට 47% කින් අඩු කිරීමට අපේක්ෂා කරයි. මෙය මීට පෙර 2030 වසර සඳහා ලබා දී තිබූ 45% ක ඉලක්කයට වඩා වැඩි අගයකි. එමෙන්ම 2035 වන විට ඉන්දියාවේ මුළු විදුලි උත්පාදන ධාරිතාවයෙන් 60% ක්ම පොසිල නොවන (Non-fossil) ඉන්ධන ප්රභවයන්ගෙන් ලබා ගැනීමට ද ප්රතිඥා දී ඇති අතර, මීට පෙර එම ඉලක්කය පැවතියේ 50% ක් ලෙසය.
මීට අමතරව, වනාන්තර සහ ගස් ආවරණය මගින් වායුගෝලයේ ඇති කාබන්ඩයොක්සයිඩ් උරා ගැනීමේ හැකියාව (Carbon Sinks) 2035 වන විට CO2 ටොන් බිලියන 3.5-4 දක්වා ඉහළ නැංවීමට ද ඉන්දියාව සැලසුම් කර තිබේ. 2022 වසරේදී ප්රකාශයට පත් කළ ඉලක්කවලට වඩා මෙම නව ඉලක්ක ඉතා ප්රගතිශීලී වන අතර, ගෝලීය දේශගුණික විපර්යාස අවම කිරීම සඳහා ඉන්දියාව දක්වන දායකත්වය මෙයින් තවදුරටත් තහවුරු වන බව පරිසර විද්යාඥයෝ පෙන්වා දෙති.
