‘රටම එකට’ ජාතික මෙහෙයුම ආරම්භ කර මාස පහක් ගතවන විට මත්ද්රව්ය ජාලය මර්දනය කිරීමේ සහ අපරාධ මැඩලීමේ සුවිශේෂී ප්රගතියක් අත්කරගෙන ඇති බව ආරක්ෂක අංශ ඒකාබද්ධව නිවේදනය කරන අතර 2025 ඔක්තෝබර් සිට ක්රියාත්මක මෙම මෙහෙයුම යටතේ මත්ද්රව්යවලට ඇබ්බැහි වූ පුද්ගලයන් 1,911 දෙනෙකු පුනරුත්තාපනය කිරීමට ද පියවර ගෙන තිබේ. මෙහෙයුම ආරම්භයේ සිට මේ දක්වා හෙරොයින් කිලෝ 1,071ක්, අයිස් කිලෝ 1,938ක් සහ ගංජා කිලෝ 4,917කට අධික ප්රමාණයක් අත්අඩංගුවට ගෙන ඇති අතර මත්පෙති ලක්ෂ 151ක් පමණ විනාශ කර ඇති බවත් රට පුරා සැකකරුවන් 114,000ක් අත්අඩංගුවට ගෙන ඉන් 215 දෙනෙකුගේ නීතිවිරෝධී වත්කම් පිළිබඳ විමර්ශන ආරම්භ කර රුපියල් මිලියන 3,300කට අධික වටිනාකමකින් යුත් රන්, මුදල්, වාහන සහ ඉඩම් රජය සතු කරගෙන ඇති බවත් පොලිස් මාධ්ය ප්රකාශකවරයා පෙන්වා දෙයි. නාවික හමුදාව බිලියන 96ක මත්ද්රව්ය මුහුදේදී අල්ලාගෙන ඇති අතර ගුවන් හමුදාව පැය 250ක ගුවන් නිරීක්ෂණ සහ ඩ්රෝන මෙහෙයුම් සිදුකර ඇති අතර යුද හමුදා සාමාජිකයන් 7,000ක් භූමියේ මෙහෙයුම් සඳහා සක්රීයව දායක වී ඇති බවත් බස්නාහිර පළාතේ දූෂිත ක්රියා දැනුම් දීමට 0777 128128 නව වට්ස්ඇප් අංකය හඳුන්වා දී ඇති බවත් මෙහිදී අනාවරණය විය. රේගු මාධ්ය ප්රකාශකවරයා සඳහන් කළේ මතභේදයට තුඩු දුන් බහාලුම් 323න් කොටසක කිසිදු ගැටලුවක් නොමැති බව විමර්ශනවලදී තහවුරු වී ඇති බවයි.
