රජයේ වෛද්ය නිලධාරීන්ගේ සංගමය (GMOA) විශේෂ නිවේදනයක් නිකුත් කරමින් පෙන්වා දෙන්නේ මෙරට වෛද්යවරුන්ගේ ස්ථානමාරු ක්රියාවලිය විද්යාත්මක පදනමකින් බැහැරව සහ දේශපාලනික අවශ්යතා මත දේශපාලනීකරණය වී ඇති බවයි. විශේෂයෙන්ම කිසිදු සාකච්ඡාවකින් තොරව දුෂ්කර සේවා ස්ථාන ලැයිස්තුව ස්ථාන 393 සිට 260 දක්වා අත්තනෝමතික ලෙස අඩු කිරීම හරහා එම සේවා ස්ථාන වැසීයාමේ තර්ජනයක් පවතින බවත් එම ප්රදේශවල සේවය කරන වෛද්යවරුන්ට වසරකින් පසු ලැබිය යුතු විශේෂ ස්ථානමාරු අවස්ථාව නීතිවිරෝධී ලෙස වසර දෙකක් දක්වා දිගු කර ඇති බවත් එම සංගමය අවධාරණය කරයි. මීට අමතරව 2025 වාර්ෂික ස්ථානමාරු ලැයිස්තුවේ පැවති පුරප්පාඩු 78ක් අත්තනෝමතික ලෙස ඉවත් කිරීම හේතුවෙන් වෛද්යවරුන් විශාල පිරිසකට තමන්ට හිමිවිය යුතු රාජකාරි ස්ථාන අහිමි වී ඇති අතර මෙම ක්රමවේදය 2026 වසර සඳහා ද බලාත්මක කිරීමට සෞඛ්ය අමාත්යාංශය සූදානම් වන බවට ඔවුන් චෝදනා කරයි. ආයතන සංග්රහයට අනුව රාජ්ය සේවා කොමිෂන් සභාවේ අනුමැතිය මත සිදුවිය යුතු ස්ථානමාරු ක්රියාවලිය කැබිනට් මණ්ඩලය වෙත පවරා ගනිමින් දේශපාලනීකරණය කිරීමට රජය උත්සාහ කරන බව පවසන රජයේ වෛද්ය නිලධාරීන්ගේ සංගමය මෙම පලිගැනීමේ චේතනාවෙන් සිදුකරන ක්රියාවන් හේතුවෙන් සමස්ත සෞඛ්ය පද්ධතියම දැඩි අවදානමකට ලක්ව ඇති බව වැඩිදුරටත් සඳහන් කරයි.
