පානම පොලිස් වසමට අයත් බඹරගස්තලාව ආරන්ය සේනාසනයේ භාවනා යෝගීව වැඩවාසය කළ විදේශීය භික්ෂූන් වහන්සේ නමක් කොටියෙකුගේ ප්රහාරයකට ලක්වීමෙන් අපවත් වී තිබේ. මෙම අවාසනාවන්ත පුවත ඊයේ (26) පෙරවරු කාලයේදී වාර්තා වූ බව පොලීසිය තහවුරු කරයි. ආරන්ය සේනාසනය තුළ වැඩසිටියදී එල්ල වූ මෙම ව්යාඝ්ර ප්රහාරය හේතුවෙන් උන්වහන්සේ එම ස්ථානයේදීම අපවත් වී ඇති බව මූලික තොරතුරු මඟින් අනාවරණය වේ.
මෙලෙස අපවත් වී ඇත්තේ වයස අවුරුදු 43ක් වූ චෙක් ජාතික භික්ෂූන් වහන්සේ නමකි. වසර කිහිපයක සිට මෙරට ආරන්ය සේනාසන ආශ්රිතව භාවනානුයෝගීව වැඩසිටි උන්වහන්සේගේ අපවත්වීම පිළිබඳව ප්රදේශවාසීන් සහ බැතිමතුන් දැඩි කම්පනයට පත්ව සිටිති. මෙම සිද්ධිය සම්බන්ධයෙන් වැඩිදුර විමර්ශන කටයුතු පානම පොලීසිය විසින් මේ වන විටත් ආරම්භ කර ඇති අතර වනජීවී නිලධාරීන්ගේ සහායද ඒ සඳහා ලබා ගැනීමට නියමිතය.
